યશની ટૉક્સિક શુક્રવારને બદલે આજે કેમ રિલીઝ થઈ રહી છે?

યશની ‘ટૉક્સિક : અ ફેરી ટેલ ફૉર ગ્રોન-અપ્સ’ શુક્રવારને બદલે બુધવારે રિલીઝ થઈ છે. બે વધારાના દિવસ, સારા રિવ્યુ અને ઓણમ-રક્ષાબંધનના તહેવારોનો લાભ લેવા માટે આ વ્યૂહાત્મક નિર્ણય લેવાયો છે.

ટૉક્સિક : અ ફેરી ટેલ ફૉર ગ્રોન-અપ્સ

સાઉથના સુપરસ્ટાર યશની ‘ટૉક્સિક : અ ફેરી ટેલ ફૉર ગ્રોન-અપ્સ’ આજે રિલીઝ કરવામાં આવી છે. સામાન્ય રીતે ભારતમાં ફિલ્મો શુક્રવારે રિલીઝ કરવામાં આવે છે, જેથી વીક-એન્ડનો મહત્તમ ફાયદો મળી શકે. જોકે ગીતુ મોહનદાસના નિર્દેશનમાં બનેલી આ ફિલ્મને શુક્રવારને બદલે બુધવારે રિલીઝ કરવાનો નિર્ણય લેવામાં આવ્યો છે. 
‘ટૉક્સિક’ને બુધવારે રિલીઝ કરવાનો નિર્ણય વ્યૂહાત્મક રીતે મહત્ત્વનો માનવામાં આવી રહ્યો છે. બુધવારે ફિલ્મ રિલીઝ થવાથી એને શુક્રવારના વીક-એન્ડ પહેલાં જ બે વધારાના દિવસ મળી જશે એટલે કે બુધવાર અને ગુરુવારે ફિલ્મ દર્શકોમાં પોતાની પકડ બનાવી શકે છે અને ત્યાર બાદ શુક્રવાર, શનિવાર અને રવિવારે બૉક્સ-ઑફિસ કલેક્શનને મોટો વેગ મળી શકે છે. ફિલ્મને બુધવાર અને ગુરુવારે સારા ફીડબૅક મળે તો વીક-એન્ડની કમાણીમાં મોટો વધારો થઈ શકે છે. આ ઉપરાંત બે દિવસમાં સારા રિવ્યુ મળે તો ઓણમ અને રક્ષાબંધનના તહેવારનો લાભ પણ મળી શકે છે. આમ, કમાણીના મુદ્દાને ધ્યાનમાં રાખીને આ ફિલ્મ શુક્રવારના બદલે બુધવારે રિલીઝ કરવામાં આવી છે.