તારક મહેતાની ગરબા ક્વીન 'દયાબેન'ને જવું છે ડેટ પર, જાણો કયા એક્ટર સાથે

તારક મહેતાની ગરબા ક્વીન 'દયાબેન'ને જવું છે ડેટ પર, જાણો કયા એક્ટર સાથે

દિશા વાકાણી

દેશનો સૌથી લોકપ્રિય ટેલિવિઝન શૉમાં સામેલ 'તારક મહેતા કા ઉલ્ટા ચશ્મા'(Taarak Mehta Ka Ooltah Chashmah)માં દયાબેનનો રોલ ભજવનારી દિશા વાકાણી (Disha Vakani) આજે પણ દરેક ઘરમાં યાદગાર છે અને ફૅન્સ પણ એના ડાયલોગ્સ, એની બોલવાની સ્ટાઈલ અને એની ખડખડાટ સ્માઈલને મિસ કરી રહ્યા છે. શૉમાં વચ્ચે-વચ્ચે એવા સમાચાર પણ આવી રહ્યા હતા કે દિશા વાકાણી સીરિયલમાં પાછી ફરી શકે છે. હાલ તાજા સમાચાર દિશા વાકાણીએ આપેલા એક ઈન્ટરવ્યૂમાંથી આવ્યા છે. તે ઈન્ટરવ્યૂમાં દિશા વાકાણીને પૂછવામાં આવ્યું હતું કે તે કોની સાથે વેલેન્ટાઈન ડેટ પર જવા માંગે છે. ત્યારબાદ દિશાએ મહાનાયક અમિતાભ બચ્ચનનું નામ લીધું હતું. તેમણે કહ્યું હતું કે મહાનાયક સાથે કામ કરવાનું તેનું સપનું છે અને તે એક દિવસ તેની સાથે ડિનર ડેટ પર જવા માંગે છે.

આ પણ જુઓ : Disha Vakani: તો આવી રીતે ચમકી ગરબા-ક્વીન દયાબેનની કિસ્મત

દિશા વાકાણીનો આ ઈન્ટરવ્યૂ વર્ષ 2014નો છે. ત્યારે તેની સાથે તારક મહેતા કા ઉલ્ટા ચશ્માની બબીતાજીનો રોલ ભજવનાર મુનમુન દત્તા (Munmun Dutta) પણ હતી. ઈન્ટરવ્યૂ દરમિયાન દિશા અને મુનમુનને બૉલીવુડ એક્ટરની પસંદગી કરવાનું કહેવામાં આવ્યું હતું કે જેની સાથે તેઓ વેલેન્ટાઇન પસાર કરવા માંગતા હોય. મુનમુન દત્તાએ તેના પ્રિય B'Town મિત્રમાંથી એક નામ નહીં પરંતુ ત્રણ નામ આપ્યા હતા. આ હતા ત્રણ સ્ટાર્સ સિદ્ધાર્થ મલ્હોત્રા, વરૂણ ધવન અને રણબીર કપૂર.

આ પણ વાંચો : કોને ડેટ કરી રહ્યો છે જેઠાલાલનો દીકરો 'ટપુ', બબીતાજીનું નામ પણ ચર્ચામાં

તે જ સમયે દિશા વાકાણીએ પહેલા તેની માતાને પોતાની વેલેન્ટાઈન તરીકે પસંદ કરી હતી, પરંતુ બૉલીવુડ અભિનેતા વિશે વાત કરતા તેણે રણબીર કપૂરને પોતાની પસંદ ગણાવી હતી. તે સમય દરમિયાન દિશા વાકાણીએ પોતાની લાઈફના પહેલા ક્રશ વિશેનો પણ ખુલાસો કર્યો હતો. તે બીજું કોઈ નહીં તે શાહરૂખ ખાન હતા, જેની સાથે અભિનેત્રીએ દેવદાસ જેવી ફિલ્મોમાં પણ એમની સાથે કામ કર્યું હતું. સાથે જ દિશાએ કહ્યું, મેં શાહરૂખ ખાનની ફિલ્મ દિલવાલે દુલ્હનિયા લે જાએંગે જોઈ. ફિલ્મમાં શાહરૂખ અને કાજોલની જોડી આજે પણ કરોડો લોકોના દિલ પર રાજ કરે છે.

આ પણ વાંચો : સ્વૅગ ડાન્સ: જાણો કેમ ખુશ છે તારક મહેતાની બબીતાજી, વીડિયોમાં સમજાઈ જશે

દિશા વાકાણી બની શકે છે બિગ-બૉસની મહેમાન 

આ બધાની વચ્ચે દિશા વાકાણી બિગ-બૉસના ઘરની મહેમાન બની શકે છે. મીડિયા રિપોર્ટ્સ અનુસાર દિશા વાકાણીને બિગ-બૉસ દ્વારા ઑફર આપવામાં આવી છે. જોકે અભિનેત્રી તરફથી કોઈ પ્રતિક્રિયા સામે આવી નથી.