ઘરથી માઇલો દૂર છું, પણ બાપ્પાથી ક્યારેય દૂર નથી

કાર્તિક આર્યન

કાર્તિક આર્યન આ વર્ષે પરિવારથી દૂર ગણેશ ચતુર્થી ઊજવી રહ્યો છે. કાર્તિક હાલમાં પોતાની આગામી ફિલ્મ ‘કૅપ્ટન ઇન્ડિયા’ના શૂટિંગ માટે બ્રિટનમાં છે. જોકે ઘરથી દૂર હોવા છતાં કાર્તિક ગણેશ ચતુર્થીને લઈને ખૂબ ઉત્સાહિત જોવો મળ્યો હતો. તેણે સોશ્યલ મીડિયા પર એક પોસ્ટ શૅર કરીને જણાવ્યું કે તે બાપ્પાથી દૂર નથી.
કાર્તિકે સોશ્યલ મીડિયા પર ગણપતિ બાપ્પાની મૂર્તિ સાથેની પોતાની એક તસવીર શૅર કરી હતી. તસવીરમાં તે બાપ્પાની મૂર્તિ હાથમાં લઈને સેલ્ફી લેતો જોવા મળી રહ્યો છે. પોસ્ટ શૅર કરતાં તેણે કૅપ્શનમાં લખ્યું હતું કે ‘ઘરથી માઇલો દૂર છું, પણ બાપ્પાથી ક્યારેય દૂર નથી! ગણપતિ બાપ્પા મોરયા!’