13 May, 2022 02:47 PM IST | Mumbai | Shilpa Bhanushali
તસવીર સૌજન્ય કરણ જોહર ઇન્સ્ટાગ્રામ પોસ્ટ
કરણ જોહરે એક પછી એક ફિલ્મના ત્રણ પોસ્ટર રિલીઝ કર્યા છે અને તેની સાથે જ કરણ જોહરે આ ફિલ્મનું મોશન પોસ્ટર પણ રિલીઝ કર્યું છે તેની સાથે જ તેણે ફિલ્મની રિલીઝ ડેટ પણ શૅર કરી છે.
આ ફિલ્મમાં વરુણ ધવન, અનિલ કપૂર, કિયારા અડવાણી અને નીતૂ કપૂર મુખ્ય પાત્રોમાં જોવા મળશે. આ ફિલ્મનું ડિરેક્શન રાજ મેહતા દ્વારા કરવામાં આવ્યું છે જ્યારે પ્રૉડક્શન હીરુ યશ જોહર, કરણ જોહર અને અપૂર્વા મેહતાની ત્રિપુટી દ્વારા કરવામાં આવ્યું છે. 24 જૂન 2022ના રોજ આ ફિલ્મ થિયેટરમાં રિલીઝ કરવામાં આવશે.
કરણ જોહરે પોસ્ટ શૅર કરવાની સાથે લખ્યું છે કે, "આવો આ પરિવારનો ભાહ બનો. ખરો મનોરંજક પરિવાર જે આવી રહ્યો છે. પ્રેમ અને ભાવનાઓ સાથે. તમારી માટે 24મી જૂને સિનેમામાં મળશે જોવા."
કરણ જોહરે ફિલ્મનું ટીઝર (મોશન પોસ્ટર રિલીઝ કરતા લખ્યું છે કે આ પરિવારનો મેળાવડો છે. જે ઘણાં બધા સરપ્રાઈઝ અને ભાવનાઓ તેમજ ડ્રામાથી ભરપૂર છે. જુગજુગ જીયો 24 જૂનથી સિનામામાં.