12 June, 2025 08:56 AM IST | London | Gujarati Mid-day Correspondent
જય શાહ
આૅસ્ટ્રેલિયા અને સાઉથ આફ્રિકા વચ્ચે ગઈ કાલે ઇંગ્લૅન્ડના લૉર્ડ્સ ક્રિકેટ ગ્રાઉન્ડમાં વર્લ્ડ ટેસ્ટ ચૅમ્પિયનશિપ (WTC)ની ફાઇનલ શરૂ થઈ હતી. ફાઇનલ શરૂ થાય એ પહેલાં આ ઐતિહાસિક મેદાન પર ઇન્ટરનૅશનલ ક્રિકેટ કાઉન્સિલ (ICC)ના ચૅરમૅન જય શાહે બેલ વગાડી હતી. આ અવસર વિશે ત્યાર બાદ જય શાહે સોશ્યલ મીડિયા પર લખ્યું હતું કે WTCની ફાઇનલના પ્રથમ દિવસની રમતની શરૂઆત પહેલાં ઐતિહાસિક લૉર્ડ્સ ગ્રાઉન્ડ પર બેલ વગાડવાનો મોકો મળ્યો એ એક પ્રિવિલેજ છે.