૭ને બદલે ૮ નંબરવાળી જર્સીની ધોનીની પોસ્ટને લીધે ચાહકો મૂંઝવણમાં

ધોની સાથે ભાવનાત્મક રીતે જોડાઈ ગયેલા આ ૭ નંબરને બદલે ૮ નંબરવાળી જર્સી કેમ એવી ચર્ચા થવા લાગી છે. જોકે આ બાબતે ધોનીએ કે ચેન્નઈ સુપર કિંગ્સે કોઈ ઑફિશ્યલ સ્પષ્ટતા નથી કરી.

૭ને બદલે ૮ નંબરવાળી જર્સીની ધોનીની પોસ્ટને લીધે ચાહકો મૂંઝવણમાં

સોશ્યલ મીડિયામાં મહેન્દ્ર સિંહ ધોનીએ તેની ખાસ ૭ નંબરવાળી જર્સીને હટાવીને ૮ નંબરવાળી જર્સી મૂકતા વિડિયોને લીધે હંગામો મચી ગયો છે. ધોની સાથે ભાવનાત્મક રીતે જોડાઈ ગયેલા આ ૭ નંબરને બદલે ૮ નંબરવાળી જર્સી કેમ એવી ચર્ચા થવા લાગી છે. જોકે આ બાબતે ધોનીએ કે ચેન્નઈ સુપર કિંગ્સે કોઈ ઑફિશ્યલ સ્પષ્ટતા નથી કરી. ધોનીએ આ વિડિયો સાથે લખ્યું હતું કે કેટલાક આંકડા તમારી સાથે રહે છે. ૭ એમાંનો એક છે, પણ આજે ૮ તરફ વળી રહ્યો છું. ટૂંક સમયમાં જ તમને ખબર પડશે કે એવું શા માટે.

જોકે આ પોસ્ટમાં ચેન્નઈની પીળા કલરને બદલે બ્લુ કલરની જર્સી હોવાથી ચાહકો મૂંઝવણમાં મુકાઈ ગયા છે. ઘણાને આ કોઈ ગિમિક હોવાનું કે કોઈ પ્રમોશનલની જાહેરાત હોવાનું લાગી રહ્યું છે તો કેટલાકને રવીન્દ્ર જાડેજાને ધોની તરફથી અલવિદા મેસેજ પણ હોઈ શકે છે, કેમકે જાડેજા ચેન્નઈમાં હતો ત્યારે તે ૮ નંબરની જર્સી પહેરતો હતો. તે આ સીઝનમાં સંજુ સૅમસનને બદલે ટ્રેડ થઈને રાજસ્થાન રૉયલ્સમાં પહોંચી ગયો છે. રાજસ્થાનની અડધી જર્સી બ્લુ કલરની છે.