22 July, 2025 01:15 PM IST | New Delhi | Gujarati Mid-day Online Correspondent
મલ્લિકાર્જુન ખરગે (ફાઇલ તસવીર)
Monsoon Session: પહેલા દિવસે સદનમાં ખૂબ જ હોબાળો થયો. કૉંગ્રેસ અધ્યક્ષ મલ્લિકાર્જુન ખરગેએ પહલગામ આતંકવાદી હુમલાને લઈને મોદી સરકાર પર પ્રશ્નોનો વરસાદ કરી દીધો છે.
સંસદનું મૉનસૂન સત્ર સોમવાર (21 જુલાઈ, 2025)થી શરૂ થયું. વિપક્ષ પહલગામ આતંકવાદી હુમલા, ઑપરેશન સિંદૂર, ડોનાલ્ડ ટ્રમ્પની મધ્યસ્થતાના દાવા અને અન્ય અનેક મામલે મોદી સરકારને ઘેરવાનો પ્રયત્ન કરી રહ્યું છે.
રાજ્યસભામાં કૉંગ્રેસ અધ્યક્ષ મલ્લિકાર્જુન ખરગેએ કહ્યું કે નિયમો પ્રમાણે પહલગામ અને ઑપરેશન સિંદૂર પર નોટિસ આપવામાં આવી છે. તેમણે કહ્યું કે પહલગામ આતંકવાદી હુમલો એપ્રિલમાં થયો હતો અને અત્યાર સુધી આતંકવાદીઓ ન તો પકડાયા છે કે ન તો માર્યા ગયા છે. તેમણે આગળ કહ્યું કે અમે સરકારને બિનશરતી સમર્થન આપ્યું. દેશને મજબૂત બનાવવા માટે, એકતા જાળવવા માટે અને આર્મીને નૈતિક બળ આપવા માટે અમે સમર્થન આપ્યું.
ખરગેએ Pahalgam હુમલા પર સરકારને ઘેરી લીધી
રાજ્યસભામાં પોતાના વિચારો રજૂ કરતા ખરગેએ કહ્યું કે લેફ્ટનન્ટ ગવર્નર પોતે કહે છે કે આમાં ગુપ્તચર નિષ્ફળતા છે. ખુદ એલજીએ આ વાત સ્વીકારી છે, અમે આમાં કંઈ કહ્યું નથી. સીડીએસ, ડેપ્યુટી આર્મી ચીફ અને સિનિયર ડિફેન્સ એટેચે ખૂબ મોટા ખુલાસા કર્યા છે. હું તે વાત કરી રહ્યો છું જે તમે દુનિયાને કહ્યું, અમને કહ્યું, ભારતના લોકોને Pahalgam અને ઑપરેશન સિંદૂર વિશે કહ્યું. અમને આ વિશે થોડી માહિતી આપવી જોઈએ. આતંકવાદીઓ હજુ સુધી પકડાયા નથી.
`ડોનાલ્ડ ટ્રમ્પે 24 વાર કહ્યું છે કે મારા હસ્તક્ષેપને કારણે કરાર થયો હતો`
કોંગ્રેસ પ્રમુખ ખરગેએ આ સમય દરમિયાન ભારત અને પાકિસ્તાન વચ્ચે યુદ્ધવિરામના ડોનાલ્ડ ટ્રમ્પના દાવાનો પણ ઉલ્લેખ કર્યો. તેમણે કહ્યું કે યુએસ પ્રમુખ ડોનાલ્ડ ટ્રમ્પે 24 વાર કહ્યું છે કે મારા હસ્તક્ષેપને કારણે મેં કરાર કર્યો. આ યુદ્ધ બંધ મારા કારણે થયું. દેશ માટે ખૂબ જ અપમાનજનક છે કે દેશની બહારનો વ્યક્તિ આ કહી રહ્યો છે, સરકારે આ અંગે સત્ય જણાવવું જોઈએ.
ખરગેએ કહ્યું, "૨૨ એપ્રિલે Pahalgamમાં આતંકવાદી હુમલો થયો હતો, પરંતુ અત્યાર સુધી કોઈ આતંકવાદીની ધરપકડ કરવામાં આવી નથી. આ ગુપ્તચર માહિતીની નિષ્ફળતા છે, જેને જમ્મુ અને કાશ્મીરના લેફ્ટનન્ટ ગવર્નર પોતે સ્વીકારી ચૂક્યા છે. અમે દેશને મજબૂત કરવા, સેનાનું મનોબળ વધારવા માટે સરકારને સમર્થન આપી રહ્યા છીએ, પરંતુ બદલામાં અમને સત્ય જાણવાનો અધિકાર છે."
ખરગેએ એવો પણ દાવો કર્યો હતો કે ડેપ્યુટી આર્મી ચીફે ઑપરેશન સિંદૂર અંગે કેટલીક સંવેદનશીલ માહિતી શેર કરી હતી, જેના પર સરકારે સંસદને પણ વિશ્વાસમાં લેવી જોઈએ.
અમેરિકી રાષ્ટ્રપતિના નિવેદનનો ઉલ્લેખ કરતા તેમણે કહ્યું, "૨૪ વાર તેમણે કહ્યું કે ભારત સાથે કરાર થયા પછી જ યુદ્ધવિરામ થયો હતો. આ દેશ માટે અપમાનજનક સ્થિતિ છે. જો અમે સહયોગ કર્યો હોત, તો તમે અમને માહિતી આપવામાં કેમ ખચકાટ અનુભવ્યો?" આ પછી, ગૃહમાં હોબાળો વધ્યો, જેના પછી સ્પીકરે ગૃહની કાર્યવાહી ૧૨ વાગ્યા સુધી સ્થગિત કરવી પડી.