15 April, 2024 05:31 PM IST | New Delhi | Gujarati Mid-day Online Correspondent
ફાઇલ તસવીર
વાર્ષિક અમરનાથ યાત્રા (Amarnath Yatra 2024) માટે યાત્રાળુઓની એડવાન્સ રજીસ્ટ્રેશન (Amarnath Yatra 2024 Registration) આજથી એટલે કે સોમવાર ૧૫ એપ્રિલથી શરૂ થઈ ગયું છે. આજે સવારે જ ભોલેના ભક્તો નોંધણી માટે જમ્મુ (Jammu) શહેરની બેંકોની વિવિધ શાખાઓમાં પહોંચવા લાગ્યા છે. ભોલેના ભક્તોએ ભારે ઉલ્લાસ સાથે નોંધણી કરાવી છે.
સમગ્ર દેશમાં જમ્મુ અને કાશ્મીર બેંક (Jammu and Kashmir Bank), પંજાબ નેશનલ બેંક (Punjab National Bank - PNB), સ્ટેટ બેંક ઓફ ઈન્ડિયા (State Bank of India - SBI) અને યસ બેંક (Yes Bank) ની ૫૪૦ શાખાઓમાં અમરનાથ યાત્રા માટે નોંધણી કરાવી શકો છો.
જમ્મુ અને કાશ્મીર (Jammu and Kashmir) માટે, નોંધણી પ્રક્રિયા PNB, SBI અને JK બેંકની ૨૧ શાખાઓમાં થશે. નોંધણી માટે, પ્રવાસીએ આરોગ્ય પ્રમાણપત્ર રજૂ કરવું ફરજિયાત છે. ૧૩ વર્ષથી નીચેની મહિલાઓ, ૭૦ વર્ષથી ઉપરની અને છ સપ્તાહની ગર્ભવતી મહિલાઓને મુસાફરી કરવાની મંજૂરી આપવામાં આવશે નહીં.
શ્રી અમરનાથ શ્રાઈન બોર્ડ મુજબ (Shri Amarnath Shrine Board), ડોડા (Doda), બક્ષીનગર (Bakshinagar), ગાંધીનગર (Gandhinagar), રેસીડેન્સી રોડ (Residency Road), બિલ્લાવર (Billawar), પૂંચ (Poonch), રાજોરી (Rajori), રામબન (Ramban), કર્ણ નગર શ્રીનગર (Karna Nagar Srinagar), ઉધમપુર (મુખ્ય) (Udhampur, Main) અને જમ્મુ અને કાશ્મીરમાં જેકે બેંકની કિશ્તવાડ શાખા (Kishtwar Branch) ને અગાઉથી મુસાફરોની નોંધણી માટે અધિકૃત કરવામાં આવી છે.
આ રીતે કરો અમરનાથ યાત્રાનું ઓનલાઈન રજીસ્ટ્રેશન:
આ વર્ષે યાત્રા ૨૯ જૂનથી શરૂ થવા જઈ રહી છે. ૫૨ દિવસની આ યાત્રા ૧૯ ઓગસ્ટ સુધી ચાલશે, જે ગયા વર્ષની સરખામણીમાં દસ દિવસ ઓછી છે. પરંપરાગત બાલતાલ અને પહેલગામ ટ્રેક દરરોજ ૧૦,૦૦૦ ભક્તોને પવિત્ર ગુફામાં જવાની મંજૂરી આપે છે.
શ્રી અમરનાથ શ્રાઈન બોર્ડના જણાવ્યા અનુસાર, આ વખતે યાત્રા દરમિયાન કોઈપણ કુદરતી આફતનો સામનો કરવા માટે યોગ્ય વ્યવસ્થા કરવામાં આવશે. યાત્રા દરમિયાન બાબા અમરનાથની પવિત્ર ગુફામાંથી સવાર અને સાંજની આરતીનું જુલાઈથી જીવંત પ્રસારણ કરવામાં આવશે. ખરાબ હવામાન અથવા અન્ય આફત દરમિયાન રોકવામાં આવે તો પર્યાપ્ત સંખ્યામાં મુસાફરોને સમાવવા માટે જમ્મુ, રામબન અને શ્રીનગર ખાતે પ્રવાસીઓ માટે યોગ્ય વ્યવસ્થા કરવામાં આવશે. આ માટે, મુસાફરોના આવાસને વિસ્તૃત કરવામાં આવ્યું છે. શ્રીનગરમાં યાત્રી નિવાસનું કામ ઝડપથી થઈ રહ્યું છે.
નોંધનીય છે કે, એડવાન્સ પેસેન્જર રજીસ્ટ્રેશન પ્રક્રિયા ગયા વર્ષે ૧૭ એપ્રિલથી શરૂ કરવામાં આવી હતી અને આ વર્ષે તે બે દિવસ પહેલા શરૂ કરવામાં આવી રહી છે. એડવાન્સ પેસેન્જર નોંધણી માટે, દેશભરમાં લગભગ ૫૦૦ બેંક શાખાઓ ઑફલાઇન નોંધણી માટે અધિકૃત છે.