ભારતને બે બુલેટ ટ્રેન ગિફ્ટ આપશે જાપાન, જાણો પ્રોજેકટનું કામ ક્યાં પહોંચ્યું?

Japan to Gift India Bullet Trains: જાપાન ભારતને મિત્રતાની ભેટ આપશે. જાપાન ભારતને બે શિન્કાનસેન ટ્રેન સેટ ગિફ્ટ કરશે, જે E5 અને E3 મોડલની રહેશે. આ ટ્રેનનો ઉપયોગ મુંબઈ-અમદાવાદ હાઈ-સ્પીડ રેલ (MAHSR) કૉરીડૉરના નિરીક્ષણ માટે કરવામાં આવશે.

પ્રતીકાત્મક તસવીર

જાપાન ભારતને મિત્રતાની ભેટ આપશે. જાપાન ભારતને બે શિન્કાનસેન ટ્રેન સેટ ગિફ્ટ કરશે, જે E5 અને E3 મોડલની હશે. આ ટ્રેનનો ઉપયોગ મુંબઈ-અમદાવાદ હાઈ-સ્પીડ રેલ (MAHSR) કૉરીડોરના નિરીક્ષણ માટે કરવામાં આવશે. હાલમાં આ કૉરીડોર પર કામ ચાલી રહ્યું છે, અને આ ટ્રેનો 2026ના શરૂઆતમાં ભારતમાં આવી જવાની શક્યતા છે. આ ટ્રેનો ભારતીય એન્જિનિયરોને શિન્કાનસેન (E5 શિન્કાનસેન બુલેટ ટ્રેન) ટેકનોલૉજી અંગે વધુ જાણકારી મેળવવામાં મદદ કરશે. આ પ્રોજેક્ટ શરૂ થતાં પહેલા, ભારતીય એન્જિનિયરો આ ટેકનોલૉજીથી પરિચિત થઈ શકે છે. જાપાન ટાઈમ્સના અહેવાલ અનુસાર, ભારત અને જાપાન મળીને 2030ના દાયકાના આરંભમાં MAHSR કૉરીડોર પર E10 સીરિઝની નવી પેઢીની શિન્કાનસેન ટ્રેનો ચલાવવાની યોજનાઓ બનાવી રહ્યા છે.

મુંબઈ તરફ કામ ધીમી ગતિએ
આ પ્રોજેક્ટનો પ્રથમ તબક્કો 2026માં શરૂ થવાની સંભાવના છે, જેમાં 48 કિલોમીટરનો ભાગ સુરત અને બીલીમોરા વચ્ચે બની રહ્યો છે. કામ પૂર્ણ થયા પછી બાકીના ભાગો ધીમે ધીમે ખોલવામાં આવશે. પરંતુ મહારાષ્ટ્રમાં કામ થોડી ધીમી ગતિએ ચાલી રહ્યું છે, જેનું મુખ્ય કારણ ટનલ બોરિંગ મશીન્સ (Tunnel Boring Machines) ના હોવાથી કામમાં વિલંબ આવ્યો છે. ટીબીએમ એક પ્રકારની મશીન છે જે જમીનમાં ટનલ ખોદવા માટે ઉપયોગમાં લેવાય છે.

પાંચ વર્ષમાં બનશે ટનલ
મુંબઈ મેટ્રો વિસ્તારમાં ટનલ બનાવવાનું કામ ઓછામાં-ઓછા પાંચ વર્ષ સુધી ચાલશે. એટલે કે, મહારાષ્ટ્રમાં બુલેટ ટ્રેન પ્રોજેક્ટ 2030 પછી શરૂ થવાની શક્યતા છે.

292 કિલોમીટર સુધી બનાવાયો પુલ
મુંબઈ-અમદાવાદ બુલેટ ટ્રેન પ્રોજેક્ટ માટે 292 કિલોમીટર લાંબો પુલ બની ગયો છે. પુલના થાંભલા બેસાડવાનું કામ 374 કિલોમીટર સુધી પૂર્ણ થયું છે, અને થાંભલાના પાયાનું કામ 393 કિલોમીટર સુધી પૂરું થયું છે અને ૩૨૦ કિલોમીટર સુધી ગર્ડર કાસ્ટિંગ પૂર્ણ થઈ ગયું છે.

નદી પર બનાવ્યા રેલ બ્રિજ
14 નદીઓ પર પુલ બનાવવામાં આવ્યા છે, જેમાં પાર (વલસાડ જિલ્લો), પૂર્ણા, મિંધોલા, અંબિકા, વેંગનિયા, કાવેરી અને ખારેરા (નવસારી), ઓરંગા અને કોલક (વલસાડ), મોહર અને મેશવા (ખેડા), ધાધર (વડોદરા), વત્રક (ખેડા) અને કિમ (સુરત) નદીઓનો સમાવેશ થાય છે. 7 સ્ટીલ પુલ અને પાંચ પ્રી-સ્ટ્રેસ્ડ કોંક્રિટ (PSC) પુલ પણ બનાવવામાં આવ્યા છે. PSC પુલ એક ખાસ પ્રકારના કોંક્રિટથી બનેલા મજબૂત પુલ હોય છે.

ગુજરાતમાં ઝડપથી ચાલી રહ્યું છે કામ
ગુજરાતમાં પુલો પર અવાજ ઘટાડવા માટે દિવાલો બનાવવાનું કામ ચાલી રહ્યું છે. ૧૫૦ કિલોમીટરના વિસ્તારમાં  ૩ લાખ દિવાલો બનાવવામાં આવી છે. ગુજરાતમાં ૧૩૫ કિલોમીટરથી વધુ ટ્રેક બેડ (Track Bed) બની ગયા છે. ટ્રેક બેડ એ સપાટી છે જેના પર રેલવે ટ્રેક નાખવામાં આવે છે. 200-મીટર લાંબા પેનલ બનાવવા માટે ટ્રેકને વેલ્ડિંગ કરવામાં આવી રહ્યું છે.

સુરત અને બીલીમોરા વચ્ચે સ્ટીલ માસ્ટ
ગુજરાતમાં ઓવરહેડ ઈક્વિપમેન્ટ (OHE) માસ્ટ લગાવવાનું કામ પણ ચાલી રહ્યું છે. OHE માસ્ટ વિજળીના તારોને આધાર આપે છે. સુરત અને બીલીમોરા બુલેટ ટ્રેન સ્ટેશનો વચ્ચે 2 કિલોમીટરમાં સ્ટીલના માસ્ટ લગાવવામાં આવી રહ્યા છે. મહારાષ્ટ્રમાં BKC અને શિલફાટા વચ્ચે 21 કિલોમીટર લાંબી ટનલ બનાવવામાં આવી રહી છે.