પપ્પાની સેવા માટે જલદી રિટાયરમેન્ટ લેવાના હતા કૅપ્ટન સુમિત સભરવાલ

૫૭ વર્ષના સુમિત સભરવાલ પવઈના જલવાયુ વિહારમાં ૯૦ વર્ષના પપ્પા સાથે તેઓ રહેતા હતા

કૅપ્ટન સુમિત સભરવાલ

ઍર ઇન્ડિયાના ડ્રીમલાઇનરમાં કુલ ૧૨ ક્રૂ-મેમ્બર્સ હતા. એમાં સૌથી સિનિયર હતા સુમિત સભરવાલ. સુમિત સભરવાલને ૮૦૦૦+ કલાકનો ફ્લાઇંગ એક્સ્પીરિયન્સ હતો. ફ્લાઇટ સેફ્ટી ચેકમાં પણ તેઓ એક્સપર્ટ હતા. પવઈના જલવાયુ વિહારમાં ૯૦ વર્ષના પપ્પા સાથે તેઓ રહેતા હતા. ૫૭ વર્ષના સુમિત સભરવાલ થોડા સમયમાં જ રિટાયર થવાના હતા, પરંતુ પપ્પા સાથે સમય વિતાવવા માટે તેઓ જલદી રિટાયર થવાનું વિચારતા હતા. તેમની મોટી બહેન દિલ્હીમાં રહે છે અને બન્ને ભાણેજ તેમની જેમ કમર્શિયલ પાઇલટ છે. સુમિત સભરવાલના પિતા દીકરાના ખબર સાંભળીને આઘાતમાં ડૂબી ગયા હતા.