અંબાણી ભારતના બૉસ છે?: ઈલૉન મસ્કનું ટ્વિટ, રાહુલ ગાંધીએ કહ્યું તમે "બીજાને મળ્યા સુધી…"

મસ્કના નિવેદને દેશના રાજકીય વર્તુળોમાં હલચલ મચાવી દીધી છે. લોકસભામાં વિરોધ પક્ષના નેતા રાહુલ ગાંધીએ મસ્કની પોસ્ટને રીટ્વીટ કરી અને પરોક્ષ રીતે કેન્દ્ર સરકાર પર નિશાન સાધ્યું. ગાંધીએ ટિપ્પણી કરી, "ઈલૉન મસ્ક, ભારતમાં તમારું સ્વાગત છે."

મુકેશ અંબાણી, ઈલૉન મસ્ક અને રાહુલ ગાંધી

વિશ્વના સૌથી ધનિક વ્યક્તિ ઈલૉન મસ્ક ભારતમાં તેમની સૅટેલાઇટ ઇન્ટરનેટ સેવા `સ્ટારલિન્ક` (Starlink) શરૂ કરવાના મુદ્દે ચર્ચામાં છે. 8 ઑક્ટોબરે સોશિયલ મીડિયા પ્લેટફોર્મ `X` પર એક પોસ્ટમાં, મસ્કે ભારતના પ્રભાવશાળી ઉદ્યોગપતિઓ સામે ગંભીર આક્ષેપો કર્યા હતા. તેમણે દાવો કર્યો હતો કે ભારતના અમુક `ઓલિગાર્ક્સ` (પ્રભાવશાળી ઉદ્યોગપતિઓ) સ્ટારલિન્કની સૅટેલાઇટ કમ્યુનિકેશન સેવા શરૂ કરવામાં અવરોધ ઊભો કરી રહ્યા છે.

ઉદ્યોગપતિ અંબાણીનું નામ લઈને ઉઠાવ્યા સવાલો

ઉદ્યોગપતિ મુકેશ અંબાણીનું નામ લેતા, ઈલૉન મસ્કે નોંધ્યું હતું કે સ્ટારલિંકે વિશ્વભરના લગભગ 165 દેશોમાં લાયસન્સ મેળવી લીધા છે. તેમણે જણાવ્યું હતું કે તેમની કંપનીએ ભારતીય સરકારના તમામ નિયમો અને કાયદાઓનું પાલન કરવા તેમજ જરૂરી લાયસન્સ મેળવવા માટે લગભગ પાંચ વર્ષ કામ કર્યું છે. મસ્કે સવાલ કર્યો કે આટલા પ્રયાસો છતાં ભારતમાં લાયસન્સ કેમ આપવામાં નથી આવી રહ્યું. તેમણે વધુમાં પૂછ્યું, "શું અંબાણી ભારતના અસલી બૉસ છે?"

રાહુલ ગાંધીએ સરકાર પર કટાક્ષ કર્યો

મસ્કના નિવેદને દેશના રાજકીય વર્તુળોમાં હલચલ મચાવી દીધી છે. લોકસભામાં વિરોધ પક્ષના નેતા રાહુલ ગાંધીએ મસ્કની પોસ્ટને રીટ્વીટ કરી અને પરોક્ષ રીતે કેન્દ્ર સરકાર પર નિશાન સાધ્યું. ગાંધીએ ટિપ્પણી કરી, "ઈલૉન મસ્ક, ભારતમાં તમારું સ્વાગત છે. જ્યાં સુધી તમે પેલા બીજા માણસ વિશે જાણો નહીં ત્યાં સુધી રાહ જુઓ.” રાહુલ ગાંધીનો આ કટાક્ષ ગૌતમ અદાણી માટે હોવાનું લાગી રહ્યું છે.

સોશિયલ મીડિયા પર ચર્ચા જાગી

મસ્કના ટ્વીટને કારણે સોશિયલ મીડિયા પર વ્યાપક ચર્ચા શરૂ થઈ છે. જ્યાં એક તરફ ભારતમાં સ્ટારલિન્કને લાયસન્સ ન મળવા પાછળના કારણો અંગે સવાલો ઉઠી રહ્યા છે, ત્યાં બીજી તરફ રાહુલ ગાંધીના નિવેદને આ મુદ્દાને રાજકીય વળાંક આપ્યો છે. હવે જોવાનું એ રહેશે કે સત્તાધારી પક્ષ અને સંબંધિત પક્ષકારો આ બાબતે શું પ્રતિક્રિયા આપે છે.

ઈલૉન મસ્કે પાર્ટનર શિવોન ઝિલિસ સાથે કર્યું બ્રેકઅપ : તેમનાં ૪ સંતાનો છે

વિશ્વના સૌથી ધનાઢ્ય માણસ ઈલૉન મસ્કે તેની પાર્ટનર અને ભારતીય મૂળ ધરાવતી શિવોન ઝિલિસ સાથે બ્રેકઅપ કરી લીધું છે. તેમને ૪ સંતાનો છે. શિવોન મસ્કની એક કંપની ન્યુરાલિન્કમાં કાર્યરત છે. શિવોનની માતા શારદા ભારતીય છે અને પિતા રિચર્ડ કૅનેડાના છે. શિવોનનો જન્મ કૅનેડામાં થયો હતો. આ સંદર્ભમાં શિવોને ઈલૉન મસ્કની માલિકીના સોશ્યલ મીડિયા પ્લૅટફૉર્મ X પર એક લાંબી પોસ્ટ શૅર કરીને પુષ્ટિ કરી છે કે તેના અને ઈલૉન મસ્ક વચ્ચેના રોમૅન્ટિક સંબંધો પૂરા થયા છે અને તેઓ અલગ થઈ ગયાં છે. મસ્ક સાથે ૪ બાળકો ધરાવતી શિવોને લખ્યું હતું કે હું તેમને મારા જીવન કરતાં પણ વધુ પ્રેમ કરતી હતી.