વિરોધી પક્ષ સાથે ચાય પે ચર્ચા

અમરેલીના કૉન્ગ્રેસના ઉમેદવાર પરેશ ધાનાણી અચાનક બીજેપી કાર્યાલયમાં કેન્દ્રીય પ્રધાન પરષોત્તમ રૂપાલા સહિતના નેતાઓ સાથે ચાની ચુસકી લેતાં રાજકારણમાં ગરમાટો આવ્યો

અમરેલીમાં કૉન્ગ્રેસના ઉમેદવાર પરેશ ધાનાણીએ કેન્દ્રીય પ્રધાન પરષોત્તમ રૂપાલા, ગોરધન ઝડફિયા સહિતના બીજેપીના નેતાઓ સાથે ચા પીધી હતી

ગુજરાત વિધાનસભાની ચૂંટણીમાં બીજેપી અને કૉન્ગ્રેસ વચ્ચે જબરદસ્ત જંગ જામ્યો છે ત્યારે આવા વાતાવરણમાં ગઈ કાલે અમરેલીમાં કૉન્ગ્રેસના ઉમેદવાર પરેશ ધાનાણીએ બીજેપીના નેતાઓની સાથે ચાય પે ચર્ચા કરતાં આ મુદ્દાએ રાજકારણમાં ગરમાવો લાવી દીધો છે. અમરેલીમાં બીજેપીના કાર્યાલયના પ્રાંગણમાં કેન્દ્રીય પ્રધાન પરષોત્તમ રૂપાલા, બીજેપીના આગેવાન ગોરધન ઝડફિયા, દિલીપ સાંઘાણી સહિતના નેતાઓ બેઠા હતા ત્યારે પરેશ ધાનાણી અચાનક ત્યાં પહોંચી ગયા હતા.