ઇન્સ્ટાગ્રામ, વૉટ્સઍપ અને ઍન્ડ્રૉઇડમાં કયાં નવાં ફીચર્સ આવી રહ્યા છે?

ઇન્સ્ટાગ્રામ, વૉટ્સઍપ અને ઍન્ડ્રૉઇડમાં કયાં નવાં ફીચર્સ આવી રહ્યા છે?

ઍલ્ગોરિધમથી મળશે છુટકારો

ઇન્સ્ટાગ્રામ હવે ઍલ્ગોરિધમથી એના યુઝર્સને છુટકારો આપવા જઈ રહ્યું છે. અત્યારે યુઝર્સ જે પણ પોસ્ટ કે રીલ્સને લાઇક કરે છે એ મુજબનું ઍલ્ગોરિધમ તૈયાર થાય છે અને એવી જ પોસ્ટ યુઝર્સને દેખાડવામાં આવે છે. જોકે આ માટે ઇન્સ્ટાગ્રામની ખૂબ જ ટીકા થઈ છે. એટલે ૨૦૧૬માં જે પ્રકારનું ફીડ હતું એવું તેના યુઝર્સને આપવા જઈ રહ્યું છે. જોકે આ માટે ઇન્સ્ટાગ્રામ દ્વારા એક ફીચર પર કામ કરી રહ્યું છે. આ ફીચરમાં ત્રણ ઑપ્શન આપવામાં આવશે જેમાં હોમ, ફેવરિટ અને ફૉલોઇંગ હશે. હોમ ફીડમાં અત્યારે જે રીતે ઍલ્ગોરિધમ પ્રમાણે ફીડ આવે છે એ મુજબ જ જોવા મળશે. ફેવરિટ ફીડમાં યુઝર્સ દ્વારા જે પણ વ્યક્તિને ફેવરિટમાં મૂકવામાં આવી હશે તેમની જ પોસ્ટને વૉલ પર દેખાડવામાં આવશે. ફૉલોઇંગમાં યુઝર્સ જે પણ વ્યક્તિને ફૉલો કરી રહી હશે એ જ પોસ્ટ દેખાડવામાં આવશે. આથી ઇન્સ્ટાગ્રામ દ્વારા નકામી પોસ્ટ યુઝર સમક્ષ માં નહીં આવે. જોકે આ ફીચરને કારણે ઍડ કંપનીને નુકસાન જશે, પરંતુ ઇન્સ્ટાગ્રામની પેરન્ટ કંપની ફેસબુક જેણે ઇમેજ સુધારવા માટે નામ બદલીને મેટા કર્યું છે એ સૌ પહેલાં પોતાની બ્રૅન્ડ બચાવવા પર ફોકસ કરી રહી છે.

નોટિફિકેશનમાં દેખાશે ડિસ્પ્લે પિક્ચર

વૉટ્સઍપ દ્વારા આઇફોન માટેના નવા અપડેટમાં નોટિફિકેશનને વધુ ઇન્ટરેસ્ટિંગ બનાવવામાં આવશે. અત્યાર સુધી જ્યારે પણ કોઈના વૉટ્સઍપ નોટિફિકેશન આવે છે ત્યારે એમાં જે-તે વ્યક્તિનું નામ આવે છે. તેમ જ પ્રિડવ્યુ ઑન હોય તો શું મેસેજ કર્યો છે એની એક લાઇન દેખાય છે. જોકે બહુ જલદી હવે આ નોટિફિકેશનમાં ફોટો પણ જોવા મળશે. અત્યાર સુધી ઍન્ડ્રૉઇડમાં જ્યારે પણ કોઈ વ્યક્તિનો મેસેજ આવે તો નોટિફિકેશનમાં જે-તે વ્યક્તિનો ડિસ્પ્લે ફોટો પણ આવે છે. આ ફીચર હવે ઍપલની આઇઓએસ ડિવાઇસમાં પણ આવી રહ્યું છે. આ ફીચર ફક્ત વ્યક્તિગત ચૅટ માટે જ નહીં, પરંતુ ગ્રુપ ચૅટ માટે પણ આવી રહ્યું છે. આ ફીચર હાલમાં બીટા વર્ઝનમાં ટેસ્ટિંગ માટે છે. જોકે બીટા યુઝર્સના પણ દરેક યુઝર્સ માટે એ ઉપલબ્ધ નથી, કારણ કે વૉટ્સઍપ સર્વર મુજબ આ ફીચરને ટેસ્ટ કરી રહ્યું છે.
સંકલનઃ હર્ષ દેસાઈ