23 June, 2022 04:35 PM IST | Mumbai | Shilpa Bhanushali
પલક સિંધવાની (તસવીર સૌજન્ય ઇન્સ્ટાગ્રામ અકાઉન્ટ)
તારક મેહતા કા ઊલ્ટા ચશ્મામાં સોનુનું પાત્ર ભજવતી પલક સિંધવાની સિરીયલમાં તો લોકપ્રિય છે પણ તેની સાથે સાથે તે સોશિયલ મીડિયા પર પણ ખૂબ જ એક્ટિવ જોવા મળે છે. પલક પોતાની તસવીરો અને વીડિયોઝ શૅર કરતી રહે છે અને તેને કારણે ચર્ચામાં પણ રહે છે. તાજેતરમાં જ પલક સિંધવાનીએ સેટ પરનો એક વીડિયો શૅર કર્યો છે જેને કારણે તે ચર્ચામાં રહી છે.
પલક સિંધવાનીએ વિશ્વ સંગીત દિવસ નિમિત્તે પોતે અને સેટ પરના પીયુષ દાદા સાથે રેકૉર્ડેડ એક રીલ શૅર કરી છે જે તેણે પોતાના મેકઅપ રૂમમાં બનાવી હતી. આ રીલમાં તે પીયુષ દાદાને પૂછે છે રેડી?, અને પછી પીયુષ દાદા સાથે પલક પણ અજીબ દાસ્તા ગીત ગાતી સાંભળવા મળે છે.
તાજેતરમાં જ વિશ્વ સંગીત દિવસ ગયો છે ત્યારે પલક સિંધવાનીનો આ વીડિયો દર્શાવે છે કે સંગીત તમને કેવી રીતે લોકો સાથે જોડે છે અને કેવી રીતે તમે લોકોનું સન્માન કરી શકો તે દર્શાવે છે. જણાવવાનું કે પલક સિંધવાની ખૂબ જ સારી અભિનેત્રીની સાથે ફિટનેસ ફ્રીક તો છે જ સાથે તે અદ્ભુત ડાન્સર પણ છે.