15 May, 2021 12:29 PM IST | Mumbai | Gujarati Mid-day Correspondent
સની લિઓની
સની લીઓનીનું કહેવું છે કે તમારા પ્રિયજનોને તમારી નિકટ રાખો. સની લીઓનીનું કહેવું છે કે તેનાં બાળકો નિશા, અશર, નોઆ અને પતિ ડૅનિયલ વેબરે તેના બર્થ-ડેને ખૂબ જ સ્પેશ્યલ બનાવ્યો હતો. તેનો ૧૩ મેએ જન્મદિવસ હતો. ફૅમિલી સેલિબ્રેશનનો ફોટો શૅર કરીને સની લીઓનીએ કહ્યું હતું કે ‘મારા બર્થ-ડેએ મને ખૂબ જ સ્પેશ્યલ ફીલ કરાવવા માટે તમે જે પ્રયત્નો કર્યા છે એ માટે હું આભારી છું. અમારી પાસે સેલિબ્રેશન માટે એટલા બધા રિસોર્સિસ નહોતા પરંતુ એમ છતાં નિશા, અશર, નોઆ અને ડૅનિયલે અદ્ભુત પ્રયત્નો કર્યા હતા. તમારી પાસે દુનિયાની દરેક વસ્તુ હોય, પરંતુ ફૅમિલી ન હોય તો તમે કંઈ નથી. હું તમને દરેકને ખૂબ જ પ્રેમ કરું છું. દરેક પર ભગવાનના આશીર્વાદ હોય અને દરેક સુરક્ષિત રહો. તમારા પ્રિયજનોને તમારા દિલની નિકટ રાખો અને દરેકને કોઈ પણ કિંમતે પ્રોટેક્ટ કરો. પેરન્ટ્સ તરીકે આપણી જવાબદારી છે કે આપણે તેમને પ્રોટેક્ટ કરીએ અને ભોજન પૂરું પાડીએ. ઘરમાં રહો અને માસ્ક પહેરો.’