તારક મેહતા ફેમ બબીતાજી ઉર્ફે મુનમુન દત્તા કેમ પુરુષોથી કરે છે નફરત

શું તમે જાણો છો કે મુનમુનના જીવનમાં એવી ઘટનાઓ ઘડાઇ જેના પછી તેને પુરુષો પ્રત્યે એક પ્રકારની નફરત થવા લાગી છે. અહીં જાણો બબીતાજીના જીવનના કેટલાક કડવા સત્ય...

મુનમુન દત્તા (તસવીર સૌજન્ય મિડ-ડે)

ટેલીવિઝન શૉ તારક મેહતા કા ઉલ્ટા ચશ્મા ફેમ બબીતાજી એટલે કે મુનમુન દત્તા પોતાની કાતિલ અદાઓથી લોકોને દિવાના બનાવે છે. શૉમાં મિસ્ટર અય્યરની પત્ની બબીતાજી રિયલ લાઇફમાં અત્યાર સુધી સિંગલ છે. ગોકુલધામ સોસાઇટીની સૌથી સ્ટાઇલિશ મહિલા બબીતાજી રિયલ લાઇફમાં ખૂબ જ બૉલ્ડ છે. પણ શું તમે જાણો છો કે મુનમુનના જીવનમાં એવી ઘટનાઓ ઘડાઇ જેના પછી તેને પુરુષો પ્રત્યે એક પ્રકારની નફરત થવા લાગી છે. અહીં જાણો બબીતાજીના જીવનના કેટલાક કડવા સત્ય...

અરમાન કોહલીએ કરી હતી મારપીટ
ઘટના વર્ષ 2008ની છે જ્યારે મુનમુન ફિલ્મ એક્ટર અરમાન કોહલીને ડેટ કરતી હતી. વેલેન્ટાઇન્સ ડેના અવસરે તેના બૉયફ્રેન્ડ અરમાને તેની સાથે મારપીટ કરી હતી. પરિણામે મુનમુન અને અરમાનના સંબંધો ખતમ થયા. આમતો બિગ બૉસમાં દેખાઇ ચૂકેલા અરમાન કોહલીના ગુસ્સાને લગભગ બધાં જ જાણે છે.

કૉર્ટ સુધી પહોંચ્યો મામલો
મુનમુન સાથે બૉયફ્રેન્ડ અરમાન કોહલીએ વેલેન્ટાઇન્સ ડેના દિવસે મારપીટ કરી. તેના પછી મુનમુને પોતાની સાથે થયેલા આ અપરાધની ફરિયાદ પોલીસમાં નોંધાવી હતી. મામલો કૉર્ટ સુધી પહોંચ્યો. જેના પછી અરમાને પોતાના વર્તન માટે માફી માગવી પડી અને દંડ પણ ભરવો પડ્યો હતો.

#MeTooમાં જણાવી દુઃખદ ઘટના 
મુનમુન દત્તાએ કેટલાક વર્ષ પહેલા #MeTooમાં પોતાના જીવનના વરવા અનુભવ શૅર કર્યા હતા. તેણે કહ્યું, "દરેક મહિલાએ ક્યારેક ને ક્યારેક યૌન શોષણનો સામનો કરવો પડે છે અને આ દરેક ઉંમરમાં થાય છે. બાળપણમાં પાડોશમાં રહેતા એક અંકલથી ડર લાગતો હતો, કારણકે તે જ્યારે પણ મને એકલી જોતાં, મને પકડી લેતા હતા અને ધમકાવતા કે હું આ વાત છુપાવીને રાખું."

13 વર્ષની ઉંમરમાં ટીચરે કરી હતી શરમજનક હરકત
તેણે ઉમેર્યું કે, "13 વર્ષની ઉંમરમાં મારા ટ્યૂશન ટીચરે મારા અંડરપેન્ટ્સમાં પોતાનો હાથ નાંખ્યો હતો. તે સમયે હું સમજી શકી નહોતી કે આ વાત મારા પેરેન્ટ્સને કેવી રીતે કહું. મારામાં ત્યારથી જ પુરુષોને લઈને એક અજીબ પ્રકારની નફરત પેદા થવા લાગી, કારણકે મને લાગતું કે આ જ તે અપરાધી છે."