16 May, 2019 05:44 PM IST | અમદાવાદ
સાથી કલાકારો સાથે શૂટિંગ દરમિયાન અરવિંદ વેગડા
ભાઈ ભાઈ ફેમ અરવિંદ વેગડા એક નવા સોંગ સાથે પાછા આવી ગયા છે. અરવિંદ વેગડાનું નવું ગુજરાતી સિંગલ યુટ્યુબ પર રિલીઝ થઈ ચુક્યુ છે. અરવિંદ વેગડાનું ગીત 'કલર થઈ જશે' ગુરુવારે UDB ગુજરાતી નામની યુટ્યુબ ચેનલ પર રિલીઝ કરાયું છે.
આ ગીતમાં અરવિંદ વેગડાની સાથે આરતી ભાવસાર, જનક ઝાલા, નિરવ કલાલ અને ઉમેશ બ્રહ્મભટ્ટ પણ જોવા મળી રહ્યા છે. અરવિંદ વેગડાની સાથે સાથે ગીત ઉમેશ બ્રહ્મભટ્ટે પણ ગાયું છે. એટલે કે આ ગીતમાં અરવિંદ વેગડા અને ઉમેશ બ્રહ્મભટ્ટની જુગલબંધી જોવા મળશે. ગીતના શબ્દો મિતેષ બારોટ ઉર્ફે સમ્રાટે લખ્યા છે. તો ગીતનું કમ્પોઝિશન પણ મિતેશ બારોટે જ કર્યું છે. આ ગીતનું મ્યુઝિક યશ બારોટે આપ્યું છે.
જુઓ વીડિયો
અરવિંદ વેગડાના આ નવા ગીત 'કલર થઈ જશે'ને અજય શર્માએ ડિરેક્ટ કર્યું છે. ગીતમાં હળવા અંદાજમાં પ્રેમની સાઈડ ઈફેક્ટની વાત કરવામાં આવી છે. પ્રેમ કરવાથી સામાન્ય છોકરાની જિંદગી કેટલી બદલાઈ જાય છે, તેની વાત કોમેડી અંદાજમાં આ ગીતમાં કરવામાં આવી છે.
આ પણ વાંચોઃ લોકલાડીલા ગુજરાતી ગાયક અરવિંદ વેગડાનો 'કૂલ' અંદાજ, જુઓ