`એનિમલ`માં ભાઈ બોબી દેઓલના અભિનયથી પ્રભાવિત થઈ શું કર્યુ ઈશાએ? 

રણબીર કપૂરની ફિલ્મ `એનિમલ` બોક્સ ઓફિસ પર ખૂબ ધમાલ કરી રહી છે. સંદીપ રેડ્ડી વાંગા દ્વારા નિર્દેશિત ફિલ્મમાં બોબી દેઓલે તેના વિલન લૂકથી દર્શકોના દિલ જીતી લીધા છે.

ઈશા દેઓલ અને બૉબી દેઓલ

રણબીર કપૂરની ફિલ્મ `એનિમલ` બોક્સ ઓફિસ પર ખૂબ ધમાલ કરી રહી છે. સંદીપ રેડ્ડી વાંગા દ્વારા નિર્દેશિત ફિલ્મમાં બોબી દેઓલે તેના વિલન લૂકથી દર્શકોના દિલ જીતી લીધા છે. ફિલ્મમાં તેની શાનદાર એક્ટિંગ જોઈને દરેક તેના વખાણ કરી રહ્યા છે. આ દરમિયાન બોબી દેઓલની સાવકી બહેન અભિનેત્રી ઈશાએ પણ પોસ્ટ શેર કરીને તેના ભાઈની પ્રશંસા કરી હતી. નોંધનીય છે કે આ પહેલા ઈશાએ સની દેઓલને તેની ફિલ્મ ગદર-2ની સફળતા બાદ અભિનંદન આપતી એક પોસ્ટ શેર કરી હતી.

ઈશા દેઓલ હેમા માલિની સાથેના બીજા લગ્નથી ધર્મેન્દ્રની પુત્રી છે. તેની એક બહેન પણ છે જેનું નામ આહાના દેઓલ છે. બોલિવૂડની ડ્રીમ ગર્લ પહેલા ધર્મેન્દ્રના લગ્ન પ્રકાશ કૌર સાથે થયા હતા. આ લગ્નથી તેમને બે પુત્રો સની દેઓલ-બોબી દેઓલ અને બે પુત્રીઓ અજીતા અને વિજેતા છે.

ઈશા દેઓલે તેના ઈન્સ્ટાગ્રામ પર એક ફોટો શેર કર્યો છે. આ સાથે, તેણે તેના કેપ્શનમાં `એનિમલ` ના તમામ કલાકારોને અભિનંદન આપ્યા. તેણે બોબી દેઓલ માટે લખ્યું, `શાનદાર પ્રદર્શન અને સફળતા, અભિનંદન ભાઈ`.

એનિમલ ફિલ્મમાં બોબીએ અબરાર હકની ભૂમિકા ભજવી છે જે બોલી શકતો નથી. તે તેના ભાઈના મૃત્યુ અને તેના દાદા-દાદીને વિજયના પિતાની કંપનીમાંથી હાંકી કાઢવાનો બદલો લેવા માંગે છે. રણબીરે વિજયની ભૂમિકા ભજવી છે જ્યારે અનિલ કપૂરે પિતાની ભૂમિકા ભજવી છે. દર્શકોને આ ફિલ્મ ઘણી પસંદ આવી રહી છે. તમને જણાવી દઈએ કે `એનિમલ` 1 ડિસેમ્બરે સિનેમાઘરોમાં રિલીઝ થઈ હતી. આ ફિલ્મ રિલીઝ થતાની સાથે જ બોક્સ ઓફિસ પર નવો ઈતિહાસ રચવામાં સફળ સાબિત થઈ. ફિલ્મે 2 દિવસમાં 129.80 કરોડ રૂપિયાની કમાણી કરી લીધી છે.