નાના પાટેકરે દોઢ કરોડ રૂપિયાની કાર ખરીદવાનો ઇનકાર કરીને પૈસા વહેંચી દીધા હતા ખેડૂતોના પરિવારને

સ્ક્રીન-રાઇટર રણબીર પુષ્પે નાના પાટેકરનો એક અનોખો કિસ્સો શૅર કર્યો છે. તેમના જણાવ્યા મુજબ નાનાએ દોઢ કરોડ રૂપિયાની કાર ખરીદવાને બદલે આ રકમ ખેડૂતોનાં પરિવારોમાં વહેંચી હતી અને ફાઉન્ડેશન પણ બનાવ્યું છે.

નાના પાટેકર (સૌજન્ય : મિડ-ડે)

ગરમ મિજાજના ગણાતા નાના પાટેકર સાથેનો એક અનોખો અનુભવ સ્ક્રીન-રાઇટર રણબીર પુષ્પે શૅર કર્યો છે. તેઓ કહે છે, ‘લોકોએ તેમના વિશે ખોટી ધારણા બનાવી છે. નાનાએ એક વખત ખેડૂતોના પરિવારોની મદદ કરી હતી. તેમણે દોઢ કરોડ રૂપિયાની કાર ખરીદવાનો ઇનકાર કર્યો હતો અને પોતાના મિત્રને કહ્યું હતું કે આ પૈસા ખેડૂતોના પરિવારોમાં વહેંચી દે અને દરેક પરિવારને ૧૫ લાખ રૂપિયા આપજે. જે વ્યક્તિ ખેડૂતોના પરિવારોનાં આંસુ લૂછી શકે તે કોઈને નુકસાન પહોંચાડી શકે નહીં. તેમણે એક ફાઉન્ડેશન બનાવ્યું છે, જે ઘણું ફંડ એકત્ર કરે છે. નાના પોતે ફાર્મહાઉસમાં રહે છે.’