28 July, 2021 01:04 PM IST | Mumbai | Gujarati Mid-day Correspondent
ઉર્વશી રાઉતેલા
ઉર્વશી રાઉતેલા હવે તામિલ બોલતાં પણ શીખી ગઈ છે. તે હવે તામિલ ફિલ્મ ઇન્ડસ્ટ્રીમાં તેનો ડેબ્યુ કરી રહી છે. તેણે હાલમાં જ ઇન્સ્ટાગ્રામ પર એક પોસ્ટ કરી છે જેમાં તે એક લક્ઝરી યલો કારમાંથી બહાર નીકળતી જોવા મળી રહી છે. આ વિશે વાત કરતાં ઉર્વશીએ કહ્યું હતું કે ‘આ ફિલ્મ મારા માટે ખૂબ જ સ્પેશ્યલ છે, કારણ કે આ ફિલ્મ દ્વારા હું મારો તામિલ ડેબ્યુ કરી રહી છું. તેમ જ આ ફિલ્મને એક કરતાં વધુ ભાષામાં રિલીઝ કરવામાં આવી રહી છે જેવી કે તામિલ, મલયાલમ, તેલુગુ, હિન્દી અને કન્નડ. આ ફિલ્મમાં હું માઇક્રોબાયોલૉજિસ્ટની ભૂમિકા ભજવી રહી છું. આ સેકન્ડ શેડ્યુલ માટે હું ખૂબ જ ઉત્સાહી છું, કારણ કે હિમાચલ પ્રદેશમાં પહેલું શેડ્યુલ પૂરું થયા બાદ અમે હવે ચેન્નઈમાં શૂટિંગ કરીશું. અજિતકુમાર અને અમિતાભ બચ્ચન સાથે કામ કરનાર જેરાલ્ડ એરોકિયામ અને જોસેફ સામી આ ફિલ્મને ડિરેક્ટ કરી રહ્યા છે અને તેમણે મને ખૂબ જ મદદ કરી હતી. હું એકદમ કડકડાટ તામિલ બોલતાં શીખી ગઈ છું અને હજી પણ પ્રૅક્ટિસ કરી રહી છું. મારી લાઇફમાં આ ફિલ્મ મારા માટે ખૂબ જ સ્પેશ્યલ બનીને રહેશે.’