21 November, 2021 05:09 PM IST | Mumbai | Gujarati Mid-day Correspondent
અમિતાભ બચ્ચન (ફાઇલ તસવીર)
અમિતાભ બચ્ચને ‘બૉબ બિસ્વાસ’ના ટ્રેલરને જોઈને અભિષેક બચ્ચનની ખૂબ પ્રશંસા કરી છે. આ અગાઉ પણ જ્યારે અભિષેકની ‘બિગ બુલ’ રિલીઝ થઈ હતી ત્યારે પણ તેમણે તેની પ્રશંસા કરી હતી. ‘બૉબ બિસ્વાસ’ના ટ્રેલરની સેલિબ્રિટીઝની સાથે જ લોકો પણ પ્રશંસા કરી રહ્યા છે. આ ફિલ્મમાં અભિષેક બચ્ચનની યાદદાસ્ત ચાલી જાય છે અને તેને સિરિયલ કિલર દેખાડવામાં આવ્યો છે. આ ફિલ્મમાં તેની વાઇફના રોલમાં ચિત્રાંગદા સિંહ દેખાશે. આ ફિલ્મ શાહરુખ ખાનના રેડ ચિલીઝ એન્ટરટેઇનમેન્ટે પ્રોડ્યુસ કરી છે. ૩ ડિસેમ્બરે ZEE5 પર રિલીઝ થવાની છે. આ ફિલ્મના ટ્રેલરને ટ્વિટર પર શૅર કરીને અમિતાભ બચ્ચને ટ્વીટ કર્યું હતું કે ‘તને મારો દીકરો કહેવડાવવાનો મને ગર્વ થાય છે. અભિષેક બચ્ચનની ‘બૉબ બિસ્વાસ’ના ટ્રેલરને જોઈને લોકો જે પ્રકારે પ્રશંસા કરી રહ્યા છે એ બદલ હું સૌનો આભાર માનું છું. લોકોનાં રીઍક્શન્સ અવર્ણનીય છે. આભાર, અભિનંદન, સદા કૃતજ્ઞ.’ આ ટ્વીટનો જવાબ આપતાં અભિષેકે ટ્વીટ કર્યું હતું કે ‘લવ યુ પા. જોકે તમે હંમેશાં અમારા માટે BIG B(ob) રહેશો.’