અમિતાભ બચ્ચને ક્રિકેટ રમતી થ્રોબેક તસવીર કરી શેર, કેપ્શનમાં એવું લખ્યું કે.. 

અમિતાભે પોતાના સોશિયલ મીડિયા હેન્ડલ પર પોતાની એક થ્રોબેક તસવીર શેર કરી છે.

અમિતાભ બચ્ચન

બૉલિવૂડ અભિનેતા અને બિગ બી તરીકે ઓળખાતાં અમિતાભ બચ્ચન સોશિયલ મીડિયા પર ખૂબ જ સક્રિય છે, તેઓ વારંવાર તેમના વિચારો, ફોટા અને વીડિયો ચાહકો સાથે શેર કરતા રહે છે. તેની પોસ્ટને ચાહકોનો ઘણો પ્રેમ પણ મળે છે. હાલમાં અમિતાભે પોતાના સોશિયલ મીડિયા હેન્ડલ પર પોતાની એક થ્રોબેક તસવીર શેર કરી છે. આ બ્લેક એન્ડ વ્હાઈટ તસવીર સાથે અમિતાભ બચ્ચને એક રમુજી કેપ્શન પણ લખ્યું છે.

આ તસવીરમાં અમિતાભ બચ્ચન ક્રિકેટ રમતા જોવા મળી રહ્યા છે. પરંતુ અમિતાભની લંબાઈ સામે બેટ થોડું ટૂંકું થઈ ગયું છે. તસવીરમાં જોઈ શકાય છે કે, અમિતાભના ચહેરા પરનું સ્મિત પણ કહી રહ્યું છે કે તેમનું બેટ કદમાં થોડું નાનું હતું. તસવીર શેર કરતી વખતે તેમણે લખ્યું કે, `શોટની તૈયારી કરી રહ્યા છીએ, આ સમય દરમિયાન લોકેશન પર ક્રિકેટ રમીને. કાશ્મીરમાં મિસ્ટર નટવરલાલનું શૂટિંગ. મને લાગે છે કે બેટ થોડું ટૂંકું પડ્યુ.` 

બિગ બીની આ તસવીર પર એક કલાકમાં એક લાખથી વધુ લાઈક્સ આવી છે. તેની આ તસવીરને ચાહકો ખૂબ પસંદ કરી રહ્યા છે. નોંધનીય છે કે, અમિતાભ 70-80ના દાયકા જેવી ફિલ્મોમાં હજુ પણ સક્રિય છે. હાલમાં તેઓ KBC ને હોસ્ટ કરી રહ્યાં છે.