24 July, 2021 07:47 PM IST | mumbai | Gujarati Mid-day Online Correspondent
અમિતાભ બચ્ચન
બૉલિવૂડ સુપરસ્ટાર અમિતાભ બચ્ચનન ટૂંક સમયમાં દક્ષિણ સુપરસ્ટાર પ્રભાસ અને દીપિકા પાદુકોણ સાથે ફિલ્મમાં સ્ક્રિમ શેર કરતા જોવા મળશે. આ ફિલ્મનુ શૂટિંગ આજથી રામોજી ફિલ્મ સિટી હૈદરાબાદમાં શરૂ થઈ ગયુ છે. આ ફિલ્મના મુહૂર્તની પોસ્ટ અમિતાભ બચ્ચને ઈન્સ્ટાગ્રામ શેર કરી છે.
અમિતાભ બચ્ચને ઈન્સ્ટાગ્રામ પર પોસ્ટ કરી છે કે, પ્રોજેક્ટ ના મુહુર્ત પર શૉટ આપતા ... આ એક ખુબ જ સુંદર ક્ષણ છે, જ્યારે મુહૂર્ત પર શોટ આપનાર માણસ ભારતીય ફિલ્મ જગતમાં પોતાની કલાકારીનો જલવો `બહુબાલી` દ્વારા દેખાડ્યો હોય. આ સાથે જ બીગ બીએ અભિનેતા પ્રભાસ, દીપિકા પાદુકોણ, ફિલ્મ દિગ્દર્શક નાગ અશ્વિન અને વિજયંતી ફિલ્મને ટેગ કર્યા છે.
આ ફિલ્મનું નામ હજી સુધી સામે આવ્યું નથી. જોકે બીગ બીએ જે બોર્ડની તસવીર શેર કરી છે તેમાં ઉપર `પ્રોજેક્ટ` લખ્યું છે. આ ફિલ્મમાં પહેલી વાર ત્રણેય એક સાથે જોવા મળશે. જો કે, અમિતાભ બચ્ચન `પીકુ` ફિલ્મમાં દીપિકા પાદુકોણ સાથે જોવા મળ્યા હતા. `પીકુ` ફિલ્મ 2015 માં બહાર પાડવામાં આવી હતી.
આ ફિલ્મને નાગ અશ્વિ ડાયરેક્ટ કરી રહ્યાં છે, જેમાં ત્રણ મહાન કલાકારો એક સાથે જોવા મળશે. જ્યારે આ ફિલ્મનું નિર્માણ વૈજયંતિ મૂવીએ કર્યુ છે. તમને જણાવી દઈએ કે નાગ અશ્વિને પ્રથમ ફિલ્મ સાવિત્રી બનાવી હતી. આ ફિલ્મને રાષ્ટ્રીય પુરસ્કાર એનાયત કરવામાં આવ્યો હતો. આ ફિલ્મ અભિનેત્રી સાવિત્રીની બાયોપિક હતી.