એક જ પરિવારના ત્રણ સભ્યો એક જ વ્યવસાયમાં અને એક જ દિવસે ત્રણ અવૉર્ડ

બચ્ચન પરિવારને ફિલ્મફેર અવૉર્ડમાં મળેલી સફળતા બદલ અમિતાભ બચ્ચને સોશ્યલ મીડિયામાં રાજીપો વ્યક્ત કર્યો

તસવીર સૌજન્યઃ સોશ્યલ મીડિયા

શનિવારે અમદાવાદમાં યોજાયેલો ૭૦મો ફિલ્મફેર અવૉર્ડ બચ્ચન પરિવાર માટે ખાસ સાબિત રહ્યો. આ ફંક્શનમાં અભિષેક બચ્ચનને ‘આઇ વૉન્ટ ટુ ટૉક’ માટે બૅસ્ટ ઍક્ટરનો અવૉર્ડ મળ્યો, જ્યારે અમિતાભ બચ્ચન અને જયા બચ્ચને સિને આઇકન સન્માનથી નવાજવામાં આવ્યાં. પરિવારને મળેલી આ સફળતાનો આનંદ અમિતાભે પોતાના સોશ્યલ મીડિયા પર વ્યક્ત કર્યો. અમિતાભે સોશ્યલ મીડિયામાં ફિલ્મફેર ટ્રોફીની ત્રણ તસવીરો શૅર કરી અને કૅપ્શન લખી, ‘એક જ પરિવારના ત્રણ સભ્યો, એક જ વ્યવસાયમાં અને એક જ દિવસે ત્રણ અવૉર્ડ. ૭૦મા ફિલ્મફેર અવૉર્ડમાં અભિષેક, જયા અને મને સન્માન મળ્યું. આ અમારું સૌભાગ્ય છે. અમે બધા દર્શકોનો હૃદયપૂર્વક આભાર વ્યક્ત કરીએ છીએ. ધન્યવાદ.’