પંતના શૉટ સિલેક્શન પર ભડક્યા ગાવસકર

અત્યાર સુધી ૪૭ ટી૨૦ મૅચમાં ૭૪૦ રન બનાવનાર પંત ઑફ સ્ટમ્પની બહાર જતા બૉલને ફટકારવાના પ્રયાસમાં પોતાની વિકેટ ગુમાવતો હોય છે

પંત ઑફ સ્ટમ્પની બહાર જતો રહે છે

રિષભ પંતના શૉટ સિલેક્શન પર સવાલ ઉઠાવતાં સુનીલ ગાવસકરે કહ્યું કે સાઉથ આફ્રિકા સામેની વર્તમાન સિરીઝમાં વારંવાર ઑફ સ્ટમ્પની બહાર જતા બૉલમાં આઉટ થવું એ સારો સંકેત નથી. અત્યાર સુધી ૪૭ ટી૨૦ મૅચમાં ૭૪૦ રન બનાવનાર પંત ઑફ સ્ટમ્પની બહાર જતા બૉલને ફટકારવાના પ્રયાસમાં પોતાની વિકેટ ગુમાવતો હોય છે. કૉમેન્ટરી દરમ્યાન ગાવસકરે કહ્યું કે ‘બોલર્સ બહારની તરફ બૉલ નાખે છે અને પંત સતત તેમની જાળમાં ફસાય છે. તેણે આવા બૉલમાં હવાઈ ફટકા મારવાનો પ્રયાસ ન કરવો જોઈએ. તેમણે પંત સામે રણનીતિ બનાવી છે કે ઑફ સ્ટમ્પની બહાર બૉલ નાખો અને તેની વિકેટ લો. ભારતનો કૅપ્ટન એક સિરીઝમાં એક જ રીતે આઉટ થાય એ સારો સંકેત નથી.’