પીવી સિંધુ મંગેતર સાથે પહોંચી સચિન તેન્ડુલકરના ઘરે, લગ્નની કંકોત્રી આપી આપ્યું નિમંત્રણ

PV Sindhu Marriage: સિંધુના પરિવારે સમજાવ્યું કે લગ્ન તેના વ્યસ્ત શેડ્યૂલને કારણે ઝડપથી ગોઠવવામાં આવ્યા હતા, કારણ કે ભારતની બેડમિન્ટન સ્ટાર જાન્યુઆરીની શરૂઆતમાં સિઝન-ઓપનિંગ મલેશિયા ઓપન સુપર 1000 ટુર્નામેન્ટમાં ભાગ લેવાની છે.

પીવી સિંધુ મંગેતર સાથે પહોંચી સચિન તેન્ડુલકરના ઘરે (તસવીર: સોશિયલ મીડિયા)

ભારતના દિગ્ગજ ક્રિકેટર અને ક્રિકેટની દુનિયાના ભગવાન સચિન તેન્ડુલકરને (PV Sindhu Marriage) 8 ડિસેમ્બરના રોજ ડબલ ઑલિમ્પિક મેડલ વિજેતા બેડમિન્ટન પ્લેયર પીવી સિંધુના લગ્ન માટે વ્યક્તિગત આમંત્રણ આપી સન્માનિત કરવામાં આવ્યા હતા. સ્ટાર શટલર, તેના મંગેતર, વેંકટ દત્તા સાઈની સાથે, આમંત્રણ આપવા માટે સચિન તેન્ડુલકરના નિવાસસ્થાને પહોંચી હતી. ભારતના ભૂતપૂર્વ ઓપનર, હાવભાવથી ઊંડે સ્પર્શી ગયા, તેઓએ તેમના જીવનના આ નવા અધ્યાયની શરૂઆત કરતી વખતે તેમને જીવનભર સુખી રહેવાની શુભેચ્છા પાઠવી હતી અને દંપતી માટે હૃદયપૂર્વકનો સંદેશ આપ્યો.

સચિન તેન્ડુલકરે પીવી સિંધુની (PV Sindhu Marriage) બેડમિન્ટનમાં નોંધપાત્ર સિદ્ધિઓ બદલ પ્રશંસા કરી અને લગ્નનું આમંત્રણ આપવા બદલ તેમનો આભાર વ્યક્ત કર્યો હતો. "બેડમિન્ટનમાં, સ્કોર હંમેશા `પ્રેમ` થી શરૂ થાય છે અને વેંકટ દત્તા સાઈ સાથેની તમારી સુંદર સફર એ સુનિશ્ચિત કરે છે કે તે કાયમ `પ્રેમ` સાથે ચાલુ રહે!” આવું લખવાની સાથે સચિને એક રેડ હાર્ટનું અને બેડમિન્ટનના રેકેટનું ઈમોજી પણ ટ્વિટર પોસ્ટમાં મૂક્યું હતું.

પીવી સિંધુ અને વેંકટ દત્તા સાઈના (PV Sindhu Marriage) લગ્ન 22 ડિસેમ્બરે ઉદયપુરમાં થવાના છે, જ્યારે 24 ડિસેમ્બરે હૈદરાબાદમાં રિસેપ્શનનું આયોજન કરવામાં આવ્યું છે. સિંધુના પરિવારે સમજાવ્યું કે લગ્ન તેના વ્યસ્ત શેડ્યૂલને કારણે ઝડપથી ગોઠવવામાં આવ્યા હતા, કારણ કે ભારતની બેડમિન્ટન સ્ટાર જાન્યુઆરીની શરૂઆતમાં સિઝન-ઓપનિંગ મલેશિયા ઓપન સુપર 1000 ટુર્નામેન્ટમાં ભાગ લેવાની છે.

તેના પિતા પીવી રમનાએ પીટીઆઈ (PV Sindhu Marriage) સાથે શૅર કર્યું કે, “બન્ને પરિવારો એકબીજાને થોડા સમયથી ઓળખે છે, પરંતુ એક મહિના પહેલા જ બધું નક્કી કરવામાં આવ્યું હતું. આ લગ્ન સમારંભ માટે આ બાબત એકમાત્ર ઉપલબ્ધ વિન્ડો હતી, કારણ કે સિંધુનું શેડ્યૂલ જાન્યુઆરીથી પેક થઈ જશે. લખનઉમાં સૈયદ મોદી ઈન્ટરનેશનલ ખાતે ખિતાબ વિજેતા પ્રદર્શન પછી, સિંધુ આગામી સિઝનમાં તેના ફોર્મમાં વધારો કરવા માટે પ્રતિબદ્ધ છે. રમનાએ વધુમાં નોંધ્યું, "પરિવારોએ 22 ડિસેમ્બરે તેમના લગ્ન માટે નિર્ણય લીધો હતો, જેમાં 24 ડિસેમ્બરે હૈદરાબાદમાં રિસેપ્શન રાખવામાં આવ્યું છે. સિંધુ ટૂંક સમયમાં જ પોતાની ટ્રેનીંગ ફરી શરૂ કરશે, કારણ કે આગામી સિઝન નિર્ણાયક છે." પેરિસ વર્લ્ડ ચેમ્પિયનશીપમાંથી મેડલ વિના પરત ફર્યા બાદ, સિંધુનું લક્ષ્ય 2028 લૉસ ઍન્જલસ ઑલિમ્પિકમાં મેડલ મેળવવા પર નિર્ધારિત છે આ સાથે સકારાત્મક નોંધ પર નવા ઑલિમ્પિક સાઇકલને કિકસ્ટાર્ટ કરવાનું છે.

ભારતીય સ્ટાર બેડમિન્ટન (PV Sindhu Marriage) ખેલાડી પીવી સિંધુના લગ્ન જેની સાથે ગોઠવાયા છે તે વેંકટ દત્ત સાઈ પોતે પોસિડેક્સ ટેક્નોલોજીસના એક્ઝિક્યુટિવ ડિરેક્ટર છે. આ સાથે જ તમને જણાવી દઈએ કે તેઓએ જેએસડબલ્યુ સાથે સમર ઇન્ટર્ન તેમજ ઇન-હાઉસ કન્સલ્ટન્ટ તરીકે સુદ્ધાં ફરજ બજાવી છે. તેઓએ ફાઉન્ડેશન ઓફ લિબરલ એન્ડ મેનેજમેન્ટ એજ્યુકેશનમાંથી લિબરલ આર્ટ્સ એન્ડ સાયન્સ/લિબરલ સ્ટડીઝમાં ડિપ્લોમા કર્યું છે. 2018માં ફ્લેમ યુનિવર્સિટીમાંથી બેચલર ઑફ બિઝનેસ એડમિનિસ્ટ્રેશનમાંથી BBA એકાઉન્ટિંગ અને ફાઇનાન્સનો અભ્યાસ તેઓએ પૂરો કર્યો છે.