08 September, 2026 08:28 AM IST | London | Gujarati Mid-day Correspondent
કેવિન પીટરસન
ઇંગ્લૅન્ડના ભૂતપૂર્વ કૅપ્ટન કેવિન પીટરસનને ૨૦૨૭ના વન-ડે વર્લ્ડ કપ સુધી ઇંગ્લૅન્ડની મેન્સ વાઇટ-બૉલ ટીમો માટે સ્પેશ્યલિસ્ટ મેન્ટર તરીકે નિયુક્ત કરવામાં આવ્યો છે. કેવિન પીટરસન હેડ કોચ બ્રેન્ડન મૅક્લમના કોચિંગ સેટ અપમાં મોટા ભાગે વન-ડે અને T20 ટીમના બૅટિંગ-વિભાગમાં ધ્યાન આપતો જોવા મળશે.
કેવિન પીટરસનની પહેલી ટૂર ઑસ્ટ્રેલિયાની વાઇટ-બૉલ ટૂર હશે. ઇંગ્લૅન્ડનો આ ભૂતપૂર્વ ક્રિકેટર સાઉથ આફ્રિકાના પીટરમૅરિટ્સબર્ગમાં જન્મ્યો હતો. હવે પોતાના જ જન્મસ્થળ પર પોતાની ટીમ ઇંગ્લૅન્ડને ચૅમ્પિયન બનાવવાની તેને જવાબદારી મળી છે.
૪૭ વર્ષનો કેવિન પીટરસન ૨૦૦૪થી ૨૦૧૪ સુધી ઇંગ્લૅન્ડની જર્સીમાં રમ્યો એ પછી પહેલી વખત ઇંગ્લૅન્ડની ટીમ માટે કામ કરશે. તેણે ઇંગ્લૅન્ડ માટે ૧૦૪ ટેસ્ટ-મૅચમાં ૮૧૮૧ રન કરવાની સાથે ૧૦ વિકેટ લીધી છે. તેણે ૧૩૬ વન-ડે મૅચમાં ૪૪૪૦ રન અને ૩૭ T20 મૅચમાં ૧૧૭૬ રન કર્યા હતા.
