16 April, 2021 04:30 PM IST | Mumbai | Gujarati Mid-day Correspondent
ડેવિડ વૉર્નર
બૅન્ગલોર સામે ૬ રનથી મળેલી હાર હૈદરાબાદના કપ્તાન ડેવિડ વૉર્નરને હજમ નથી થઈ રહી. ૧૫૦ રનના લક્ષ્યને હાંસલ કરવા ઊતરેલા હૈદરાબાદને શાહબાઝની ૧૭મી ઓવર ભારે પડી હતી અને ટીમે એ ઓવરમાં ત્રણ વિકેટ ગુમાવી દીધી હતી. જોકે મૅચ હારી ગયા બાદ નાખુશ ડેવિડ વૉર્નરે કહ્યું કે ‘અમારા બોલરોએ સારી બોલિંગ કરી, પણ અમે કોઈ મોટી પાર્ટનરશિપ ન કરી શક્યા. મૅક્સવેલ સારી ઇનિંગ્સ રમ્યો. હું ઘણો નારાજ છું, કેમ કે અમે ડાબોડી સ્પિનરો સામે બૅટ સીધું રાખીને શૉટ ન રમી શક્યા. અમારે અહીં હજી ત્રણ મૅચ રમવાની છે અને પિચ સારી થવાની આશા રાખી રહ્યા છીએ. અમે પાવરપ્લેમાં વિકેટ લેવા અને મોટી પાર્ટનરશિપ કરવા પર ધ્યાન કેન્દ્રિત કરીશું.’