પહેલી વખત કે. એલ. રાહુલે એક ટેસ્ટ-સિરીઝમાં ૫૦૦+ રન કર્યા

છેલ્લે તેણે વર્ષ ૨૦૧૬-’૧૭માં ઑસ્ટ્રેલિયા સામેની સિરીઝમાં હાઇએસ્ટ ૩૯૩ રન કર્યા હતા. તેણે પોતાની કરીઅરમાં પહેલી વાર એક સિરીઝમાં ૧૦૦૦+ બૉલનો સામનો પણ કર્યો છે.

કે. એલ. રાહુલ

ઓવલ ટેસ્ટ-મૅચમાં ભારતની બીજી ઇનિંગ્સ દરમ્યાન ઓપનર કે. એલ. રાહુલ (૨૮ બૉલમાં સાત રન) ઓછા સ્કોરમાં આઉટ થયો હતો. ૫૩૨ રન સાથે તેણે આ મજબૂત સિરીઝનો અંત કર્યો છે. તેણે પહેલી વાર એક સિરીઝમાં ૫૦૦+ રન કર્યા છે. છેલ્લે તેણે વર્ષ ૨૦૧૬-’૧૭માં ઑસ્ટ્રેલિયા સામેની સિરીઝમાં હાઇએસ્ટ ૩૯૩ રન કર્યા હતા. તેણે પોતાની કરીઅરમાં પહેલી વાર એક સિરીઝમાં ૧૦૦૦+ બૉલનો સામનો પણ કર્યો છે.

ત્રીજા દિવસની રમત દરમ્યાન ભારતીય વન-ડે કૅપ્ટન રોહિત શર્માએ ધ ઓવલ સ્ટેડિયમમાં મૅચનો આનંદ માણ્યો હતો.

રાહુલે ઇંગ્લૅન્ડમાં ભારતીય ઓપનર તરીકે ૫૦૦+ રન કરવાના સુનીલ ગાવસકર (૫૪૨ રન)ના ૪૬ વર્ષ જૂના રેકૉર્ડની બરાબરી કરી હતી. જોકે તે ઇંગ્લૅન્ડમાં એક ટેસ્ટ-સિરીઝમાં ઓપનર તરીકે હાઇએસ્ટ રન કરવાના ગાવસકરના ભારતીય રેકૉર્ડને તોડતાં અગિયાર રનથી ચૂકી ગયો હતો. આ સિરીઝમાં એક પણ સિક્સર ન ફટકારનાર કે. એલ. રાહુલે ઇંગ્લૅન્ડ ટૂર પર પોતાના નવ હજાર ઇન્ટરનૅશનલ રન પૂરા કર્યા હતા.