ભારતની શ્રી ચરણીએ વિમેન્સ T20 બોલર તરીકે સર્વકાલીન શ્રેષ્ઠ રેટિંગ પૉઇન્ટ્સનો રેકૉર્ડ તોડ્યો

શ્રી ચરણી (ફાઇલ તસવીર)

આંધ્ર પ્રદેશની બાવીસ વર્ષની ડાબોડી સ્પિનર શ્રી ચરણીએ તાજેતરના ICC રૅન્કિંગમાં મહિલા T20 બોલરોમાં પ્રથમ સ્થાન જાળવી રાખીને સૌથી વધુ રેટિંગ પૉઇન્ટ્સ મેળવવાનો નવો રેકૉર્ડ સ્થાપિત કર્યો છે.

શ્રી ચરણીએ ૮૧૭ રેટિંગ પૉઇન્ટ્સની ટોચની સપાટી હાંસલ કરી જે નવેમ્બર ૨૦૧૮માં ઑસ્ટ્રેલિયાની ફાસ્ટ બોલર મેગન શટ દ્વારા સ્થાપિત ૮૦૬ પૉઇન્ટ્સના અગાઉના રેકૉર્ડ કરતાં વધુ છે.

શ્રી ચરણીએ છેલ્લા એક મહિનામાં શાનદાર પ્રદર્શન કર્યું છે. તેણે T20 એશિયા કપ અને એશિયન ગેમ્સમાં ૮ ઇનિંગ્સમાં ૩.૩ના ઇકૉનૉમી-રેટ સાથે કુલ ૨૦ વિકેટ લઈને ભારતને બે ખિતાબ જીતવામાં મદદ કરી હતી. એશિયન ગેમ્સની ક્વૉર્ટર ફાઇનલમાં જપાન સામે ૧૦ રનમાં ૪ વિકેટ લીધી એ તેની કારકિર્દીનું શ્રેષ્ઠ પ્રદર્શન રહ્યું છે.