ઇન્ટરનૅશનલ માસ્ટર્સ લીગ 2025ની સેમી-ફાઇનલમાં પહોંચનારી પહેલી ટીમ બની ઇન્ડિયા

ગ્રુપ-સ્ટેજની પાંચેય મૅચ રમી ચૂકેલી ઇન્ડિયા માસ્ટર્સ ૧૩ માર્ચેની પહેલી સેમી-ફાઇનલ મૅચ માટે ક્વૉલિફાય થઈ છે

પ્રતીકાત્મક તસવીર

ઇન્ટરનૅશનલ માસ્ટર્સ લીગની પહેલી સીઝનનો અંતિમ રાઉન્ડ હવે રાયપુરમાં શરૂ થયો છે. ૧૨ માર્ચ સુધી ગ્રુપ-સ્ટેજની મૅચ બાદ ૧૬ માર્ચ સુધી અહીં નૉક-આઉટ મૅચ રમાશે. શનિવારે બ્રાયન લારાની ટીમ વેસ્ટ ઇન્ડીઝને સાત રને હરાવીને માસ્ટર-બ્લાસ્ટ સચિન તેન્ડુલકરની ટીમ ઇન્ડિયા માસ્ટર્સ ટુર્નામેન્ટની સેમી-ફાઇનલમાં પહોંચનારી પહેલી ટીમ બની હતી. ગ્રુપ-સ્ટેજની પાંચેય મૅચ રમી ચૂકેલી ઇન્ડિયા માસ્ટર્સ ૧૩ માર્ચેની પહેલી સેમી-ફાઇનલ મૅચ માટે ક્વૉલિફાય થઈ છે. અન્ય ટીમોમાંથી શ્રીલંકા, ઑસ્ટ્રેલિયા અને વેસ્ટ ઇન્ડીઝની ટીમ ફાઇનલમાં પહોંચવા માટે દાવેદાર છે.

ઇન્ટરનૅશનલ માસ્ટર્સ લીગ 2025નું પૉઇન્ટ ટેબલ
ટીમ	મૅચ	જીત	હાર	પૉઇન્ટ	નેટ રનરેટ
ભારત	૫	૪	૧	૮	+૧.૦૩૬
શ્રીલંકા	૪	૩	૧	૬	+૦.૭૪૫
ઑસ્ટ્રેલિયા	૪	૨	૨	૪	+૧.૯૧૯
વેસ્ટ ઇન્ડીઝ	૪	૨	૨	4	-૦.૧૧૬
સાઉથ આફ્રિકા	૪	૧	૩	૨	-૩.૦૮૫
ઇંગ્લૅન્ડ	૩	૦	૩	૦	-૧.૭૮૫