સાઉથ આફ્રિકા મિલરને ન રમાડે : ભુવનેશ્વર

ગઈ કાલે પ્રેસ-કૉન્ફરન્સમાં ભારતીય બોલરોએ મિલર સામે કેવી યોજના બનાવી છે એવા સવાલનો જવાબ આપતાં ભુવનેશ્વરે હસતાં-હસતાં કહ્યું હતું

ડેવિડ મિલર

સાઉથ આફ્રિકા સામેની પહેલી ટી૨૦માં ૪ વિકેટે ૨૧૧ રન બનાવ્યા બાદ ભારત હારી જશે એવું કોઈએ વિચાર્યું નહોતું, પરંતુ ડેવિડ મિલર અને રૅસી વૅન ડેર ડુસેનની બૅટિંગે બાજી પલટી નાખી હતી. તેમના બૅટિંગ કૌશલ સામે ભારતીય બોલરોની કોઈ વિસાત નહોતી. ગઈ કાલે પ્રેસ-કૉન્ફરન્સમાં ભારતીય બોલરોએ મિલર સામે કેવી યોજના બનાવી છે એવા સવાલનો જવાબ આપતાં ભુવનેશ્વરે હસતાં-હસતાં કહ્યું હતું કે ‘મિલર હાલમાં શાનદાર ફૉર્મમાં છે. તેની સામે બોલિંગ કરવી મુશ્કેલ છે. અમે ઇચ્છીએ કે સાઉથ આફ્રિકા તેને પડતો મૂકે, પરંતુ તેઓ એમ નહીં કરે.’ 
ભુવનેશ્વરે વધુમાં કહ્યું હતું કે ‘પહેલી મૅચમાં બોલરોનું પ્રદર્શન સારું નહોતું રહ્યું. અમારા પણ ખરાબ દિવસો આવે છે. બીજી મૅચમાં અમે વાપસી કરીશું.’