19 September, 2022 11:38 AM IST | Mumbai | Gujarati Mid-day Correspondent
‘કિંગ કોહલી’ ન્યુ લુકમાં
વિરાટ કોહલી નબળા બૅટિંગ-ફૉર્મના લગભગ ત્રણ વર્ષના લાંબા સમયગાળા બાદ એશિયા કપમાં બે હાફ સેન્ચુરી અને એક સેન્ચુરી સાથે પાછો ફૉર્મમાં આવ્યો એ સાથે તેના વ્યક્તિત્વમાં પણ ફેરફાર જોવા મળી રહ્યો છે. તે મેદાન પર પહેલાં કરતાં વધુ જોશ અને ઝનૂનમાં જોવા મળ્યો છે અને શનિવારે તેણે કમાલ કરી હતી. સેલિબ્રિટી હેર-આર્ટિસ્ટ રાશિદ સલ્માનીએ પોતાના ઇન્સ્ટાગ્રામ-પેજ પર પોસ્ટ કરેલા વિડિયોમાં બતાવાયા મુજબ કોહલીએ તેમની પાસે નવી હેરસ્ટાઇલ બનાવડાવી છે.
કિંગ કોહલી આ હેરકટ પછી મોહાલીમાં ગઈ કાલે ટીમ સાથે જોડાયો હતો, જ્યાં આવતી કાલે ઑસ્ટ્રેલિયા સામે પહેલી ટી૨૦ રમાવાની છે અને કોહલી એમાં નવા અંદાજમાં જોવા મળશે. કોહલીની હેરસ્ટાઇલમાં ખાસ કોઈ ફેરફાર નથી કરાયો, પરંતુ એ ‘ટૉક ઑફ ધ ટાઉન’ હોવાથી તેની જરાસરખીય નવી હેરસ્ટાઇલ સોશ્યલ મીડિયામાં વાઇરલ થઈ રહી છે.