24 January, 2020 07:49 AM IST | London
70 વર્ષ જૂની પેઇન્ટિંગ
લંડનના ક્રિસ્ટી ઑક્શન હાઉસમાં મંગળવારે સાંજે બ્રિટિશ કલાકાર એલ. એસ. લોરીએ ૧૯૪૩માં બનાવેલું હૅપી પેઇન્ટિંગ ૨૪ કરોડ રૂપિયામાં વેચાયું. પેઇન્ટિંગનું ટાઇટલ છે, ધ મિલ. આ પેઇન્ટિંગમાં ઇંગ્લૅન્ડના એક ઔદ્યોગિક વિસ્તારને તાદૃશ્ય કરતાં જીવનની વયસ્તતા પ્રદર્શિત કરવામાં આવી છે. પેઇન્ટિંગ જોતાં એમાં શનિવાર-રવિવારની દિનચર્યા દર્શાવવામાં આવી હોય એવું જણાય છે, કેમ કે એમાં બાળકો સ્કૂલ જતાં કે લોકો ઑફિસ જતા જોવા નથી મળતા. પહેલાં આ પેઇન્ટિંગ ખોવાઈ ગયું હોવાનું મનાતું હતું, પણ કોઈકે એને શોધી કાઢ્યું હતું.
આ પણ વાંચો : ગ્રૅમી અવૉર્ડ મળે તો એ લેવા અમે ફક્ત અન્ડરવેર પહેરીને સ્ટેજ પર જઈશું
મીડિયા-રિપોર્ટ્સ મુજબ લોરીએ પેઇન્ટિંગ શરૂ કર્યું તે સમય દરમ્યાનની આ કૃતિ ડીએનએ રિસર્ચના અગ્રણી ડૉક્ટર લિયોનાર્ડ ડી હૅમિલ્ટને ખરીદ્યું હતું, જેઓ એને પોતાની સાથે અમેરિકા લઈ ગયા હોવાથી કલાજગતમાં પેઇન્ટિંગ ખોવાયાનું મનાતું હતું. ગયા વર્ષે તેમના મૃત્યુ બાદ આ પેઇન્ટિંગ ફરી ચર્ચામાં આવ્યું હતું.