૧ જૅગ્વાર કાર પર લગાવી ૪૬૦૦ ટૉય કાર્સ

૧ જૅગ્વાર કાર પર લગાવી ૪૬૦૦ ટૉય કાર્સ

1 જૅગ્વાર પર 4,600 ટૉય કાર

મલેશિયામાં રહેતા એક બિઝનેસમૅને પોતાની લક્ઝુરિયસ જૅગ્વાર કારને પોતાના બચપણના શોખ સમી કારોથી સજાવીને એકદમ કલરફુલ બનાવી દીધી છે. દત્તુમ સેરી નામના આ બિઝનેસમૅનને ૧૩ વર્ષની ઉંમરથી જ રમકડાની કાર ભેગી કરવાનો શોખ હતો અને તેમણે લગભગ ૫૦૦૦ જેટલી ટૉય કાર્સનું કલેક્શન કર્યું હતું.

 થોડા સમય પહેલાં તેમણે એમાંથી ૪૬૦૦ ટૉય કાર્સથી તેમની જૅગ્વાર એસ-ટાઇપ કારની સિકલ બદલી નાખી હતી. વાત એમ હતી કે રમકડાની કારો બહુ વધી ગઈ હતી અને એની યોગ્ય સંભાળ રાખવામાં મુશ્કેલી પડતી હતી. એટલે તેમણે એક જ કાર પર ટચૂકડી ગાડીઓ ખાસ ગૂંદરથી ચિપકાવી દીધી. હવે આ કાર રંગબેરંગી બની ગઈ છે અને ભાઈનું કહેવું છે કે હવે જૅગ્વારનો લુક મારી પર્સનાલિટીને મૅચ થાય એવો છે.

આ પણ વાંચો: ફોન ગિફ્ટ ન કરતા ગુસ્સે થયેલી પ્રેમિકાએ ભરબજારે પ્રેમીને લાફા માર્યા

કારનો લુક તો મસ્ત ચેન્જ થઈ ગયો, પણ હવે ભાઈસાહેબ માટે બીજી સમસ્યા પેદા થઈ છે. આ કાર હવે ગમે ત્યાં પાર્ક નથી થઈ શકતી. એકદમ હટ કે દેખાવને કારણે કાર બધાનું ધ્યાન ખેંચે છે અને કોઈ એમાંથી એકાદ કાર કાઢી લેશે એવી ‌આશંકા રહ્યા કરે છે.