25 April, 2019 09:34 AM IST | ક્લીવલૅન્ડ
અમેરિકાના મિશેલ બેલેઉ અને રૉન પીટરસન નામના યુગલે ક્લીવલૅન્ડ હોપ્કિન્સ ઇન્ટરનૅશનલ ઍરપોર્ટ પર લગ્ન કર્યાં હતાં. કપલનું કહેવું છે કે તેમની પહેલી મુલાકાત આ જ ઍરપોર્ટ પર થયેલી એટલે તેમણે લગ્નની વિધિ પણ અહીં જ કરવાનું નક્કી કર્યું હતું. બાર વર્ષ પહેલાં મિશેલના બૉસે તેના ક્લાયન્ટ રૉનને લેવા માટે તેને ઍરપોર્ટ મોકલી હતી.
પ્રોફેશનલ મુલાકાત હોવા છતાં બન્ને પહેલી જ નજરે પ્રેમમાં પડી ગયા. એ પછી બન્ને લૉસ ઍન્જલસમાં કામ કરવા લાગ્યાં અને તેમની દોસ્તી પાંગરી. બાર વર્ષના પ્રેમ પછી તેમણે લગ્ન કર્યા હતા અને આ માટે તેમણે ઍરપોર્ટ ઑથોરિટી પાસેથી પરવાનગી પણ માગી હતી.
આ પણ વાંચોઃ જપાનમાં હવાના ડબ્બા વેચાવા નીકળ્યા છે, કિંમત છે ૬૭૫ રૂપિયા
ઍરપોર્ટના લગેજ નંબર ૬ પાસે તેઓ પહેલી વાર મળ્યા હતા ત્યાં જ લગ્નનાં વચનોની આપ-લે કરવાની પરવાનગી ઍરપોર્ટ ઑથોરિટી દ્વારા તેમણે મેળવી લીધી હતી. અહીં ૧૨૦ મહેમાનોની હાજરીમાં તેઓ લગ્ન થયાં હતાં.