28 August, 2019 08:54 AM IST | ઓડિશા
પાર્સલમાં નીકળ્યો કોબ્રા
ઓડિશાના મયૂરભંજ ગામમાં એક યુવકે કરિયાણાનો સામાન ઑર્ડર કર્યો હતો. જોકે જ્યારે તેનો સામાન પાર્સલરૂપે તેના ઘરે ડિલિવર થયો ત્યારે એ જોઈને યુવકને ચક્કર આવી ગયાં. પાર્સલ ખોલતાં જ તેને એમાંથી સામાન સાથે વીંટળાયેલો કોબ્રા સાપ જોવા મળ્યો જે લગભગ સાડાપાંચ ફુટ લાંબો હતો. તરત જ વનવિભાગને જાણ કરવામાં આવી અને અધિકારીઓએ ત્યાં આવીને કોબ્રાને પાર્સલમાંથી બહાર કાઢીને જપ્ત કર્યો હતો. આ પાર્સલ તેના ઘરે ડિલિવર કરવામાં આવ્યું ત્યારે એ સીલબંધ હતું.
આ પણ વાંચો : આ મહિલા લગ્ન કરાવવાના વસૂલે છે 10 કરોડ રૂપિયા !
જોકે એમાં નીચે એક કાણું પડી ગયું હતું. પાર્સલમાંની ચીજો ખાવા માટે એક ઉંદર અંદર ઘૂસ્યો હતો. એ ઉંદરને ખાવા માટે એ જ કાણામાંથી સાપ પણ અંદર ઘૂસ્યો હતો. સાપ જ્યારે પકડાયો ત્યારે એના પેટમાં ઉંદર હતો.