નવ વર્ષ પછી ફરી ઇઝરાયલ જશે નરેન્દ્ર મોદી

નેતન્યાહુને મળશે, સંસદને સંબોધશે, સંરક્ષણકરાર કરશે

નરેન્દ્ર મોદી

વડા પ્રધાન નરેન્દ્ર મોદી આ અઠવાડિયે ઇઝરાયલની મુલાકાતે જવાના છે. તેમની મુલાકાત અમેરિકન પ્રેસિડન્ટ ડોનલ્ડ ટ્રમ્પ દ્વારા ગાઝાના પુનર્નિર્માણ અંગે ચર્ચા કરવા માટે રચાયેલી ‘બોર્ડ ઑફ પીસ’ની બેઠકના થોડા દિવસ પછી થઈ રહી છે. ભારત એમાં મેમ્બર બન્યું નથી, ફક્ત ઑબ્ઝર્વર તરીકે ભાગ લીધો છે. જોકે ઇઝરાયલી વડા પ્રધાન બેન્જામિન નેતન્યાહુ વડા પ્રધાન મોદીની મુલાકાતથી ખૂબ જ ખુશ છે. તેમણે ભારતની પ્રશંસા કરીને વડા પ્રધાન નરેન્દ્ર મોદીને તેમના સૌથી નજીકના મિત્ર ગણાવ્યા હતા.

વડા પ્રધાન નરેન્દ્ર મોદીની ઇઝરાયલ-મુલાકાત પહેલાં બેન્જામિન નેતન્યાહુએ ઓછામાં ઓછી બે વાર ભારતની મુલાકાતની જાહેરાત કરી હતી. જોકે વિવિધ કારણોસર તેમની મુલાકાતને અંતિમ સ્વરૂપ આપવામાં આવ્યું નહોતું. આ નરેન્દ્ર મોદીની ઇઝરાયલની બીજી મુલાકાત હશે. તેમણે અગાઉ જુલાઈ ૨૦૧૭માં ઇઝરાયલની મુલાકાત લીધી હતી.