15 November, 2020 05:14 PM IST | Mumbai | Gujarati Mid-day Online Correspondent
ફાઈલ ફોટો
દિવાળી પર ક્રિકેટર વિરાટ કોહલીએ ચાહકોને શુભેચ્છા પાઠવી હતી અને મેસેજમાં ફટાકડા ના ફોડવાની અપીલ કરી હતી. જોકે, સોશિયલ મીડિયા યુઝર્સને ક્રિકેટરનો આ સંદેશો ગમ્યો નહીં. તેમણે વિરાટ તથા તેની પત્ની અનુષ્કા શર્માને ટ્રોલ કર્યા હતા. ઘણા યુઝર્સે વિરાટને અનુષ્કાનો કુતરો ગણાવ્યો હતો પરંતુ દુખની વાત એ છે કે કોંગ્રેસના દિગ્ગજ નેતાએ પણ વિરાટ કોહલીને અનુષ્કાનો કુતરો ગણાવ્યો.
વિરાટ કોહલીએ શૅર કરેલા વીડિયો બાદ કોંગ્રેસ નેતા અને પૂર્વ સંસદસભ્ય ડૉ.ઉદિત રાજે એક ટ્વીટ કરી જે લોકોને ગમી નહોતી. રાજે ટ્વીટ કર્યું કે, અનુષ્કાએ પોતાના કુતરા વિરાટ કોહલીને સંભાળવાની જરૂર નથી. કુતરાથી વફાદાર કોઈ હોતુ નથી. કોહલી તે લુચ્ચા અને મુર્ખ લોકોને શીખ આપી કે પ્રદૂષણથી માનવતા જોખમમાં છે. તમારે લોકોએ ડીએનએ ચેક કરવુ પડશે કે તમે મૂળ અહીંના છો કે નહીં.
રાજના આ ટ્વીટ બાદ તેના વિરોધમાં ઘણા ટ્વીટ કરવામાં આવ્યા હતા.
ત્યારબાદ રાજે ફરી એક ટ્વીટ કરીને લખ્યું કે, વિરાટ કોહલીના સૂચનનો સ્વાગત છે પરંતુ અમૂક લોકો ટ્વીટ કરીને ગાળો આપી રહ્યા છે. હુ અચંબામાં છું કે સરકાર કેમ ચૂપ છે. આ લોકો વિરુદ્ધ હજી સુધી કાર્યવાહી કેમ થઈ નથી. આ લોકો માણસો ન હોઈ શકે. કુતરાને ખરાબ કઈ રહ્યા છે. કુતરાથી વધુ વફાદાર કોઈ નથી.