14 January, 2021 03:22 PM IST | Jammu | Agencies
જમ્મુમાં ભારત-પાકિસ્તાન બોર્ડર પર બીએસએફને ટનલ મળી
દેશમાં પાકિસ્તાનના ઘૂસણખોરીના પ્રયાસને નિષ્ફળ બનાવતાં બીએસએફએ જમ્મુમાં સામ્બા સેક્ટરમાં આંતરરાષ્ટ્રીય બોર્ડર પર એક ટનલ શોધી કાઢી હોવાનું અધિકારીઓએ ગઈ કાલે જણાવ્યું હતું. બીએસએફએ જણાવ્યું હતું કે જમ્મુમાં આંતરરાષ્ટ્રીય સરહદ પર બીએસએફ દ્વારા આ પ્રથમ વાર ટનલ શોધાઈ હોય એવું નથી.
ગયા વર્ષે ૨૨ નવેમ્બરે બીએસએફની ટીમ અને પોલીસે આંતરરાષ્ટ્રીય બોર્ડર પર પાકિસ્તાનથી શરૂ થતી અને સામ્બા જિલ્લામાં આવેલા બોર્ડર આઉટ પોસ્ટ રિગલ વિસ્તારમાં ભારત તરફ ખૂલતી એક ટનલ શોધી કાઢી હતી.