નાગપુરની સડકો પર નગ્ન થઈને ફર્યું કપલ, પરિવારજનોએ જણાવ્યું ચોકાવનારું કારણ

આ ઘટના શનિવારે રાત્રે બની હતી. જ્યારે બજાજ નગર વિસ્તારમાંથી પસાર થતા બાઇક સવારોએ કપલને નગ્ન અવસ્થામાં પોતાના કૅમેરામાં કેદ કરી લીધા હતા.

એઆઈ દ્વારા નિર્મિત પ્રતીકાત્મક તસવીર

Couple Walks Naked on Nagpur Streets: મહારાષ્ટ્રના નાગપુરમાંથી એક ચોંકાવનારો કિસ્સો સામે આવ્યો છે. શનિવારે મધરાતે બજાજ નગર વિસ્તારની સડકો પર એક કપલ નગ્ન અવસ્થામાં ફરતું હતું. જ્યારે લોકોએ તેમને જોયા તો તેમણે વાંધો ઉઠાવ્યો હતો. આ દરમિયાન એવા સમાચાર પણ સામે આવ્યા છે કે કપલે લોકો પર હુમલો પણ કર્યો હતો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે અને લોકો તેની ટીકા કરી રહ્યા છે. આ ઘટના અંગે સ્થાનિક લોકોએ પોલીસને જાણ કરી હતી. નાગપુર શહેરમાં આવા કિસ્સાઓ સતત પ્રકાશમાં આવતાં લોકોએ પણ ચિંતા વ્યક્ત કરી છે.

પ્રાપ્ત માહિતી અનુસાર, આ ઘટના શનિવારે રાત્રે બની હતી. જ્યારે બજાજ નગર વિસ્તારમાંથી પસાર થતા બાઇક સવારોએ કપલને નગ્ન અવસ્થામાં પોતાના કૅમેરામાં કેદ કરી લીધા હતા. નાગપુર ટુડેના અહેવાલ મુજબ, નાગપુરના એક પોશ વિસ્તારના રોડ પર મોડી રાત્રે એક વ્યક્તિ કારમાંથી ઊતરીને અન્ય વ્યક્તિ સાથે દલીલ કરતો જોવા મળે છે. તે વ્યક્તિ સંપૂર્ણપણે નગ્ન હતી.

થોડા સમય પછી, મહિલા કારમાંથી બહાર આવે છે અને બંનેને લડતા અટકાવે છે. મહિલા પણ નગ્ન હતી. જોકે, એવું પણ કહેવામાં આવી રહ્યું છે કે નગ્ન કપલ કારમાં નહોતું. વીડિયોમાં કાર દેખાઈ રહી છે કારણ કે કાર સવાર ચા પીવા નીકળ્યો હતો અને ઘટનાને જોઈને રોકાઈ ગયો હતો.

સોશિયલ મીડિયા પર લોકોનો ગુસ્સો જોવા મળ્યો

આ ઘટનાનો વીડિયો રવિવારે નાગપુર અને મહારાષ્ટ્ર સહિત ઘણી જગ્યાએ વાયરલ થયો હતો. આ અંગે લોકોએ રોષ પણ વ્યક્ત કર્યો હતો. નાગપુરના લોકોનું કહેવું છે કે ત્યાં આવા કેસ સતત વધી રહ્યા છે. દરેક જગ્યાએ શરમજનક કૃત્યો થઈ રહ્યા છે, પરંતુ પોલીસ કોઈ કાર્યવાહી કરી રહી નથી.

મામલો પોલીસ સુધી પહોંચ્યો, પરંતુ કોઈ સજા થઈ નહીં

આ મામલે કોઈએ પોલીસ ફરિયાદ નોંધાવી ન હતી. વીડિયો વાયરલ થયા બાદ નાગપુર પોલીસ એક્શનમાં આવી હતી. પોલીસે વીડિયોના આધારે કપલની ઓળખ કરી હતી. બંનેને પોલીસ સ્ટેશનમાં લાવવામાં આવ્યા હતા, પરંતુ કોઈ કાર્યવાહી થઈ ન હતી. પરિવારજનોએ બંનેને માનસિક રીતે નબળા ગણાવ્યા છે.

પરિવારજનોએ દંપતીની હકીકત જણાવી

બજાજ નગર પોલીસ સ્ટેશનના વરિષ્ઠ નિરીક્ષક વિઠ્ઠલ રાજપૂતે જણાવ્યું હતું કે રવિવારે સવારે દંપતીની ઓળખ કરવામાં આવી હતી, પરંતુ તેઓ માનસિક રીતે અસ્વસ્થ હોવાનું જણાતાં કાર્યવાહી શરૂ કરવામાં આવી ન હતી, જેની પુષ્ટિ પણ કરવામાં આવી હતી.

રાજપૂતે કહ્યું કે, "અમે દંપતી અને તેમના પરિવારના સભ્યોને બોલાવ્યા, જેમને જાહેર સ્થળોએ આવા બેફામ વર્તન સામે પર્યાપ્ત રીતે સલાહ આપવામાં આવી હતી.” તેમણે કહ્યું કે, પોલીસે કોઈ પગલાં લીધાં નથી કારણ કે દંપતી માનસિક સ્વાસ્થ્ય સમસ્યાઓથી પ્રભાવિત હતું.” મધરાત બાદ પોલીસને માહિતી મળતાં જ ઘટનાસ્થળે ગઈ હતી, પરંતુ કોઈ મળ્યું ન હતું. રવિવારે સવારે દંપતીના ઠેકાણા વિશે થોડી માહિતી મળતાં તેઓએ તેમની સામે કાર્યવાહી કરી હતી.