હિન્દુ મહાસંઘની માગણી : ખાલિદ કા શિવાજી ફિલ્મ પર બૅન લગાવી દો

નિર્માતાએ તેમને સેક્યુલર દેખાડ્યા છે જે અમને મંજૂર નથી. જો ફિલ્મ પર બંધી નહીં મૂકવામાં આવે તો અમે એ જ્યાં પ્રદર્શિત થશે ત્યાં થિયેટર પર જઈને વિરોધ-પ્રદર્શન કરીશું.

;ખાલિદ કા શિવાજી` ફિલ્મનું પોસ્ટર

પુણેના હિન્દુ મહાસંઘે સેન્ટ્રલ બોર્ડ ઑફ ફિલ્મ સર્ટિફિકેશન (CBFC) અને ફિલ્મના પ્રોડ્યુસરને રજૂઆત કરીને ૮ ઑગસ્ટે રિલીઝ થનારી ‘ખાલિદ કા શિવાજી’ ફિલ્મની રિલીઝ પર રોક લગાવવાની માગણી કરી છે.

હિન્દુ મહાસંઘના ચૅરમૅન આનંદ દવેએ કહ્યું હતું કે ‘આ ​ફિલ્મમાં છત્રપતિ શિવાજી મહારાજના ઇતિહાસને વિકૃત કરીને દેખાડવામાં આવ્યો છે. નિર્માતાએ તેમને સેક્યુલર દેખાડ્યા છે જે અમને મંજૂર નથી. જો ફિલ્મ પર બંધી નહીં મૂકવામાં આવે તો અમે એ જ્યાં પ્રદર્શિત થશે ત્યાં થિયેટર પર જઈને વિરોધ-પ્રદર્શન કરીશું. અમે પુણેના દરેક થિયેટરને વિનંતી કરીએ છીએ કે આ ફિલ્મ પ્રદર્શિત ન કરે. જો રૂરલ એરિયામાં એ પ્રદર્શિત થશે તો અમે ત્યાં થિયેટર પર જઈને લેક્ચરનું આયોજન કરીશું અને લોકોને સાચા ઇતિહાસથી અવગત કરાવીશું. શિવાજી મહારાજ અમારા છે, હિન્દુઓના છે અને મરાઠા છે. અમારો વિરોધ જ ‘ખાલિદ કા શિવાજી’ આઇડિયાને લઈને છે.’

ડિરેક્ટર રાજ મોરેએ બનાવેલી ‘ખાલિદ કા શિવાજી’ ફિલ્મમાં એક મુસ્લિમ છોકરાની વાત છે જે શિવાજીને પોતાના અનુભવથી સમજે છે.