19 January, 2019 09:38 AM IST | ગાંધીનગર
ફાઈલ ફોટો
દર વખતની જેમ આ વખતે પણ વડાપ્રધાન મોદીએ ગુજરાત પ્રવાસ દરમિયાન માતા હીરાબા સાથે મુલાકાત કરીને આશીર્વાદ મેળવ્યા. નરેન્દ્ર મોદી જ્યારે પણ ગાંધીનગર આવે ત્યારે માતા સાથે અચૂક મુલાકાત કરે છે. જો કે છેલ્લા બે દિવસમાં કાર્યક્રમની વ્યસ્તતાને કારણે તેઓ માતાને મળવા પહોંચી શક્યા ન હતા.
જો કે આજે ગાંધીનગરથી વિદાય લેતા પહેલા પીએમ મોદી સવારે જ રાયસણ પહોંચ્યા હતા અને માતા સાથે મુલાકાત કરી આશીર્વાદ મેળવ્યા. વડાપ્રધાન મોદીની મુલાકાતને ધ્યાનમાં રાખી તેમના ભાઈ પંકજ મોદીના ઘરની આસપાસ સુરક્ષા વ્યવસ્થા ગોઠવાઈ હતી. તો આ મુલાકાત સમયે મીડિયાને પણ દૂર રખાયું હતું.