19 July, 2019 08:47 AM IST | અમદાવાદ
પ્રતીકાત્મક તસવીર
ઘોડાસર વિસ્તારમાં આવેલા રાજપથ બંગલોઝમાં રહેતાં રેશમબહેન ફુલવાણી દુકાનમાં નોકરી કરે છે અને તેમના પતિ કૈલાસભાઈ ફુલવાણી કોઈ કામધંધો કરતા નથી. બે દિવસ પહેલાં સવારે સમયે રેશમબહેનને પૈસાની જરૂર હોવાથી તે તેમના રૂમમાં ગયાં હતાં અને તેમણે તિજોરીમાંથી પાકીટ કાઢ્યું હતું, પરંતુ પાકીટમાં તેમણે મૂકેલા ૩૦૦૦ રૂપિયા નહોતા.
આ પણ વાંચો : ગુજરાતમાં દેશી દારૂને પકડવા વિદેશી ડૉગી
રેશમબહેને પતિને પૂછ્યું કે મારા પાકીટમાંથી પૈસા તમે લીધા છે? જેના જવાબમાં કૈલાસભાઈએ ના પાડી હતી. થોડી વાર ફરી પૂછ્યું કે મારા પૈસા તમે લીધા છે? એ વાતનું પતિને ખોટું લાગતાં તેણે રેશમબહેન સાથે ઝઘડો કરી ગાળાગાળી કરી હતી. એટલું જ નહીં, રેશમબહેનના વાળ પકડીને નીચે પાડી ગડદાપાટુનો માર મારી ગળાના ભાગે નખ મારી દીધા હતા.