આજની રેસિપી : પ્રોટીન-રિચ સૅન્ડવિચ

પ્રોટીન-રિચ સૅન્ડવિચ

સામગ્રી : એક કપ મગદાળ (ફોતરાં વગરની), એક બાફેલું બટેટું, એક લીલું, લાલ અને પીળું શિમલા મરચું બારીક કાપેલું, એક કાંદો બારીક કાપેલો, એક ચમચી આદું-મરચાંની પેસ્ટ, થોડી કોથમીર, બે ચમચા રવો, એક ગાજર, એક વાટકી દહીં, તેલ, મીઠું સ્વાદ મુજબ, ઈનો ચપટી, બે ચમચી ખમણેલું ચીઝ.

રીત : મગદાળને ચાર કલાક પાણીમાં પલાળી લેવી. પછી એ દાળને મિક્સર જારમાં લેવી. એમાં દહીં, આદું-મરચાંની પેસ્ટ, મીઠું નાખીને પીસી લેવું. આ મિશ્રણમાં બારીક કાપેલા કાંદા, શિમલા મરચાં નાખવાં. બટેટું અને ગાજર છીણીને નાખવાં. પછી ઈનો નાખી હલાવી મિક્સ કરવું. એક સૅન્ડવિચ સ્ટૅન્ડ લઈ તેલથી ગ્રીસ કરવું. પહેલાં મગદાળનું પૂરણ પાથરવું. ઉપર ચીઝ પાથરી ફરી ઉપરથી એક ચમચી મગદાળનું પૂરણ પાથરવું. ગૅસ પર સ્ટૅન્ડને બન્ને બાજુ ફેરવીને શેકાઈ જાય ત્યાં સુધી રાખવું. બરાબર સીઝી જાય એટલે બહાર કાઢી કાપીને ટમૅટો સૉસ અને કોથમીરની ચટણી સાથે પીરસવું.

- હિના ઓઝા

(તમે પણ મોકલી શકો છો રેસિપી : સાથે વાનગીનો ફોટો હોવો જરૂરી. તમારા નામ, ફોટો અને ફોન-નંબર સાથે gujmid@gmail.com પર ઈમેઇલ કરો. સિલેક્ટેડ રેસિપી પ્રકાશિત થશે.)