09 February, 2026 03:05 PM IST | Mumbai | Gujarati Mid-day Correspondent
ચૉકલેટ ખજૂર રોલ
સામગ્રી : ૧ કપ કાળો સીડલેસ બારીક સમારેલો ખજૂર, ૧ મોટો ચમચો કોકો પાઉડર, ૧/૪ કપ ખમણેલી ડાર્ક ચૉકલેટ, ૨ મોટા ચમચા દૂધ, ૧ મોટો ચમચો ઘી, ૨ મોટા ચમચા બારીક સમારેલા કાજુ, ૨ મોટા ચમચા બારીક સમારેલી બદામ, ૧ મોટો ચમચો બારીક સમારેલાં પિસ્તાં, ૧/૨ કપ ખમણેલું કોપરું.
રીત : એક નૉન-સ્ટિક પૅનમાં ઘી ગરમ કરીને એમાં સમારેલાં ખજૂર ઉમેરો અને મધ્યમ તાપે સતત હલાવતા રહો. હવે એમાં ડાર્ક ચૉકલેટ, કોકો પાઉડર અને દૂધ ઉમેરો અને મિશ્રણ ઘટ્ટ થાય ત્યાં સુધી ગરમ કરો. ત્યાર પછી એમાં કાજુ, બદામ અને પિસ્તાં ઉમેરો અને સારી રીતે મિક્સ કરો. ગૅસ બંધ કરીને મિશ્રણને થોડું ઠંડું થવા દો. ત્યાર બાદ ઘી લગાડેલી પ્લાસ્ટિક શીટ ઉપર આ મિશ્રણને રોલ આકારમાં વાળો. હવે આ રોલને સૂકા નારિયેળના પાઉડરમાં બધી બાજુ ફરતે લગાડી લો અને પ્લાસ્ટિક શીટમાં વાળીને થોડો સમય ફ્રિજમાં સેટ કરો. ત્યાર બાદ એના સમાન જાડાઈના ટુકડા કાપો. સ્વાદિષ્ટ ચૉકલેટ ખજૂર રોલ્સ પીરસવા માટે તૈયાર છે.
