આજની રેસિપી : મિલેટ પૅનકેક

બાજરી, મેથી અને ઓટ્સથી બનાવેલા આ હેલ્ધી પૅનકેક સ્વાદિષ્ટ અને પૌષ્ટિક છે. સરળ સામગ્રીથી ઘરે જ આ નાસ્તો ઝડપથી બનાવી શકાય છે.

આજની રેસિપી : મિલેટ પૅનકેક

સામગ્રી : દોઢ કપ બાજરીનો લોટ, ૧/૨ કપ રવો, એક કપ ક્રશ કરેલા ઓટ્સ, એક કપ મેથીની ભાજી, એક કપ લીલું લસણ, બે લીલી ડુંગળી, ૧/૨ કપ કોથમીર, ૧/૨ ચમચી અજમો, એક ચમચી તલ, ચપટી હિંગ, ૧/૨ ચમચી હળદર, ૧/૨ કપ દહીં, મીઠું સ્વાદ પ્રમાણે, ચપટી સોડા
રીત : સૌથી પહેલાં લીલી ડુંગળી, લીલું લસણ, મેથી અને કોથમીરને ઝીણાં સમારી લો. હવે એક બાઉલમાં બાજરાનો લોટ, રવો, ઓટ્સ પાઉડર મિક્સ કરો. એમાં ઉપરની બધી સામગ્રી ઉમેરીને બરાબર મિક્સ કરો. જરૂર પ્રમાણે પાણી ઉમેરીને થિક બેટર તૈયાર કરો. એક નૉનસ્ટિક પૅન ગરમ કરો. એમાં તેલ લગાવીને થોડા તલ નાખો. હવે બેટરમાંથી નાની પૅનકેક પાથરીને બન્ને બાજુ ગોલ્ડન બ્રાઉન થાય ત્યાં સુધી શેકી લો.