12 June, 2021 11:24 AM IST | Mumbai | Gujarati Mid-day Correspondent
૨૫ કિલોનો લેહંગો પહેરીને કેમ ભાગવું પડ્યું હતું પૂજા બૅનરજીને?
પૂજા બૅનરજીને હાલમાં જ ૨૫ કિલોનો લેહંગો પહેરીને ભાગવું પડ્યું હતું. જોકે તેણે આ શૂટિંગ દરમ્યાન કરવું પડ્યું હતું. ‘કુમકુમ ભાગ્ય’માં તે રિયાનું પાત્ર ભજવી રહી છે જેનાં લગ્ન રણબીર (ક્રિષ્ણા કોલ) સાથે થઈ રહ્યાં છે. આ લગ્નની સીક્વન્સમાં તેણે ૨૫ કિલોનો ડ્રેસ પહેરીને ભાગવું પડ્યું હતું. આ વિશે વાત કરતાં પૂજાએ કહ્યું હતું કે ‘લગ્નના દૃશ્ય માટે મારે દુલ્હન જેવું તૈયાર થવાનું હતું. હું ડિઝાઇનર રેડ લેહંગા પહેરવા માટે ઉત્સુક હતી, પરંતુ એ પહેરીને દોડવામાં મને ખૂબ જ મુશ્કેલી પડી હતી. સાચું કહું તો લેહંગો વજનમાં ખૂબ જ ભારે હતો. એવું વજન અંદાજે ૨૫ કિલો હતું. એની સાથે મારે જ્વેલરી પણ પહેરવાની હતી. દુલ્હમન બનતાં મને દરરોજ બેથી ત્રણ કલાકનો સમય જતો હતો. આ દૃશ્યમાં મારે દોડવાનું પણ હતું. ડ્રેસના વજનને કારણે મારા માટે એ ચૅલેન્જિંગ હતું. જોકે દૃશ્ય વાસ્તવિક લાગે એ માટે મેં એ કર્યું હતું. લગ્નનું દૃશ્ય શૂટ કરવાની મને ખૂબ જ મજા આવી હતી અને દર્શકો એ જુએ એ માટે હું ખૂબ જ ઉતાવળી થઈ રહી છું.’