26 September, 2022 03:38 PM IST | Mumbai | Gujarati Mid-day Correspondent
વર્ષા બુમરાહ
હરિયાણાની વર્ષા બુમરાહ ‘ડાન્સ ઇન્ડિયા ડાન્સ સુપર મૉમ્સ સીઝન 3’ની વિનર બની છે. જુલાઈમાં આ શો શરૂ થયો હતો અને ત્રણ મહિના બાદ ગઈ કાલે એનો ફિનાલે હતો. આ ગ્રૅન્ડ ફિનાલેમાં રશ્મિકા મંદાના, નીના ગુપ્તા અને ગોવિંદાએ મહેમાન તરીકે હાજરી આપી હતી. આ શોને રેમો ડિસોઝા, ભાગ્યશ્રી અને ઊર્મિલા માતોન્ડકર જજ કરી રહ્યાં હતાં. આ ગ્રૅન્ડ ફિનાલેમાં છ સ્પર્ધક રહી ગયા હતા. સાધના મિશ્રા અને સાદિકા મિશ્રાને અનુક્રમે પ્રથમ અને દ્વિતીય રનરઅપ જાહેર કરવામાં આવી હતી. આ કૉમ્પિટિશન જીત્યા બાદ વર્ષાએ કહ્યું હતું કે ‘મારા માટે આ સપનું પૂરું થવા બરાબર છે. મારા માટે આ શોની જર્ની એક લર્નિંગ એક્સ્પીરિયન્સ રહ્યો છે. હું ટ્રોફી જીતી એનાથી ખૂબ જ ખુશ છું. અહીં પહોંચવા માટે મેં ઘણી મહેનત કરી છે અને આ માટે હું મારી મેન્ટર વર્તિકા ઝાની ખૂબ જ આભારી છું. ત્રણે જજ દ્વારા પણ મને હંમેશાં પોત્સાહન પૂરુ પાડવામાં આવ્યું હતું. આ સ્પર્ધા ખૂબ જ મુશ્કેલ હતી અને હું મારા દરેક સાથી સ્પર્ધક પાસેથી પણ ઘણું શીખી છું. આ શોનો અંત થયો છે, પરંતુ મેં અહીં ઘણા ફ્રેન્ડ બનાવ્યા છે. હું દરેક રિહર્સલ અને મસ્તી – મજાકને મિસ કરીશ.’