અનુશા મિશ્રા લઈને આવશે 'કુછ સ્માઇલ્સ હો જાએ...વિથ આલિયા'

અનુશા મિશ્રા લઈને આવશે 'કુછ સ્માઇલ્સ હો જાએ...વિથ આલિયા'

અનુશા મિશ્રા

‘તેરા ક્યા હોગા આલિયા’ની અનુશા મિશ્રા નવો શો ‘કુછ સ્માઇલ્સ હો જાએ... વિથ આલિયા’ લઈને આવવાની છે. આ શોમાં અનેક કલાકારો જોડાવાના છે જેમને ચૅલેન્જિંગ ટાસ્ક્સ કરવાના રહેશે. આ શો સબ ટીવી પર 18 મે સોમવારથી શુક્રવારે રાતે 9 વાગ્યે ટેલિકાસ્ટ કરવામાં આવશે. આ શો માટે અનુશાએ ઘરે જ પોતાના મોબાઇલથી શૂટ કર્યું હતું. એ વિશે અનુશાએ કહ્યું હતું કે ‘વર્તમાન સમય માટે આ એક મનોરંજક કન્સેપ્ટ છે. આ પહેલી વખત થયું છે જ્યારે હું મોબાઇલ ફોન પર શોનું શૂટિંગ કરી રહી છું. એથી હું પૂરી પ્રોડક્શન ટીમનું કામ કરી રહી છું. મારા માટે આ એક નવો અનુભવ છે. હું મારા કો-હોસ્ટ બલરાજ સાથે કામ કરવા માટે એક્સાઇટેડ છું. લોકોને મનોરંજન આપવા માટે પણ ખૂબ ઉત્સાહિત છું. આશા રાખું છું કે એ 12 મિનિટની અંદર દર્શકોના જીવનમાં ખૂબ ખુશી લાવી શકીશ.’